Universitätsarchiv Wien, UAW Cod. Med 1.7 AFM 1677-1709
[21. September 1704] II. congregatio 21. Septembris. Propositum est memoriale a Joanne Kerschiner med. dr. Labacensi ad majestatem inde ad regimen et facultatem pro informatione transmissum ratione appalti aquae di Nocera. Conclusit facultas, ut detur informatio pro dom. supplicante quemadmodum in eadem causa contigit defuncto dom. D. Caesari Pagani.
Producta sunt memorialia Joannis Balthasaris Voglhueber et Joannis Georgii Spindler med. stud. supplicantium pro stipendio Bittneriano. [fol. 178v] Dom. Voglhuber collatum est stipendium, dom. Spindler autem facta est certa spes stipendii proxime vacantis.
Resolutum est, ut D. D. Rubana mittatur decretum de non practicando quale (dum expeditioni dederam infra scriptum) responso accepi, praedictum D. Rubana a majestate nova ad praxin medicam resolutione donatum esse.
Ad porrectum a civilibus et aulae privilegiatis chirurgis facultati memoriale, ut hinc inde practicantes non examinati chirurgi amandentur, a facultate conclusum est, ut pedello decretum mittatur quale etiam factum est.
- Acta Facultatis Medicae Universitatis Vindobonensis Vol. 6, Leopold Senfelder, 1912
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
