[6. Dezember 1705] V. congregatio 6. Decembris. D. Mannebach accepit sessionem. Fuit conclusum, ut imposterum pro illo anno, quo professor primarius, [qui semper senior consistorialis est] decanus aut rector fiat, a facultate alius eligatur et pro illo tempore substituatur.

Accepta: Annuum interesse 100 flor., a repetentibus 24 flor., a 19 examinatis 51 flor., a 4 inscriptionibus 4 flor. 30 cruc. [fol. 186v] Summa: 179 flor. 30 cruc.

Expensa: Pro confectura in collatione 43 flor., pro 15 mensuris vini moschati 18 flor. 45 cruc., magistro chori 15 flor., tubicinibus 21 flor. 30 cruc., pro pedelli sumptibus 9 flor. 42 cruc., solarium 9 flor. sacerdotibus ministrantibus 1 flor. 30 cruc., pro musica in festo 15 flor., famulis ecclesiae 45 cruc. Summa: 184 flor. 12 cruc. [fol. 187r]

[1705/ 06]

Acta decanatus II. Martini Antonii von Drahn etc., electi 6. Decembris 1705.

Praelecta fuerunt statuta et privilegia facultatis eum in finem, ut doctores noviter ad facultatem accedentes aliquam saltem eorum habeant cognitionem, atque in votando firmum possint habere judicium.

Deliberatum fuit, an consultius videretur, ut privilegiorum antiquorum confirmatio simpliciter peteretur an aliqui novi articuli inserendi et conclusum in antiquis manendum.

Quaerebatur, an illi, qui ad facultatem repetunt et in tentamine non subsistunt, pecuniam depositam possint repetere.

Responsum quod non, sed quod possint post aliquod tempus redire, seque novo tentamini subjicere absque [fol. 187v] eo, quod nova jura solvere teneantur.

Fuit (post mortem D. Stumpf et D. Widurek) penes D. Wenceslaum Gallum Otsenasseck consistorialiter constitutus pro executore der Königischen Stifftung.

Fuit a regimine facultati factainsinuatio, quod dom. Hänckell advectionem acidularum Roitschensium impetraverit usque ad annum 21., hujus saeculi Und dieses zu Ihrer nachricht und vorkherung des weitheren un künfftiger beobachtung cui etiam adjuncta est copia attestationis a D. de Deimbl, quod ille una cum (uti docet signum) D. von der Heyden easdem advectas visitaverit et examinatas approbaverit.

In hoc attestato insertum est, quod dom. Hänckell ad singulas vecturas per facultatem visitandas se obligaverit. Cui tamen modo manifeste contrarium facit, quia eas nec ad visitandum amplius offert, imo valde luridas et vapidas acidulas pro bonis indiscriminatim divendit et si ab aliquo ex collegis una vel altera lagena apud patientes nihil valens rejiciatur eique pro permutatione transmittatur, ille eandem nec permutare nec pecuniam pro tam nullius valoris merce acceptam reddere vult sed tantum nos irridet dicens, se omnes pro bonis emere.

Comparui coram regimine ratione pharmacopoei Saur.

Fuit facultas requisita per litteras compassus a praetoriu ut informationem daret ratione alicujus cadaveris in cloaca domus olim Grünerianae (quam meri haebraei inhabitant) reperti et cum desuper habitae essent duae congregationes producta etiam vestimenta defuncti accersiti inspectores mortuorum et jurati nostri, praetorio responsum est: Nos ex omnibus signis bene perpensis deprehendere non potuisse, hominem illum violenta morte extinctum esse.

Repetierunt 3 in Italia promoti doctores nimirum Neuper, Widman, Mannagetta et sessionem obtinuerunt.

Dom. Brohn, qui primam suam disputationem pro exercitiis [fol. 188r] de morte laudabiliter peregit, supplicavit, ut etiam residuas duas adhuc sub meo decanatu peragere et cum aliis doctorandis possit promoveri; accepit materiam pro baccalaureatu de stanno. Sed ille nimirum properans disputationem hanc a se confectam dupliciter descripsit et partem unam senioribus, alteram junioribus censurandam dedit. Sed propterea etiam sperato fine frustratus fuit, ita canis, dum duos lepores persequitur neutrum capit.

Quatuor pro suprema laurea candidati scilicet dom. Kopplinger, Gerstner, Pfann et Bensa dom. cancellario praesentati et postquam in examine rigoroso doctoraliter substitissent in doctores creati sunt. Sessionem tamen sub decanatu mei successoris postmodum obtinuerunt.