Universitätsarchiv Wien, UAW Cod. Med 1.7 AFM 1677-1709
[28. Dezember 1708] Die 28. consistorium petiit a me antecedenter memoratam informationem jam tum decano facultatis juridicae traditam, in qua demonstravi, praefati Laskonis casum se longe aliter habere, quam a comite Jörger regimini relatus fuerit, nimirum criminalem videri, hinc cautionem in memoriali comitis promissam admitti non posse, eo quod in casibus criminalibus cautiones locum non habeant. Item quod contra nostra privilegia recenter confirmata temerario ausu practicaverit et olearium mactaverit consequenterque jure a sua majestate nobis concesso Laskonem ad arrestum ductum. In hoc passu vigore nostrorum privilegiorum facultas firmo stabat pede nec regimen contra resolutionem caesaream aut contra nostra privilegia tam facile aliquid tentare potuisset, sed cum consistorium causam nostram suam fecisset et nostram jurisdictionem cum sua confunderet, ab utraque parte facultas periclitabatur. Consistorium hanc controversiam a se removere et ad facultatem, quae Laskonem incarceraverat, si voluisset, facillime remittere potuisset sed ut opinor pro nostra imminuenda et sua dilatanda jurisdictione hoc non fecit. [fol. 213v]
- Acta Facultatis Medicae Universitatis Vindobonensis Vol. 6, Leopold Senfelder, 1912
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
