Universitätsarchiv Wien, UAW Cod. Med 1.7 AFM 1677-1709
[28. August 1710] VII. congregatio 28. Augusti. Lecta fuit causa, cur aulo-privilegiati chirurgi denegent sessionem Josepho Laudos, quia scilicet non fuit a senioribus praesentatus et examinatus secundum statuta, nec coram illis magisterium fecit.
Voluerunt quidem illum praesentare, dum petiit examinari ut campestris chirurgus, nam privilegium aulicum nondum habuit nec civis fuit, sed examinandus non voluit authenticas dare litteras reversales et interim praxim illicite exercet in fundatione Billottiana in detrimentum legitime examinatorum. Praefatus Laudes autem proposuit, quod aulo-privilegiatis chirurgis praesentationem denegantibus legitime tamen examinatus et approbatus fuerit et magisterium fecerit. Sed ut haec lis dirimatur et authoritas decanorum conservetur, conclusit facultas, ut hoc examen pro legitimo habeatur, ut autem et privilegia aulo-privilegiatorum chirurgorum manuteneantur sic a binis senioribus solis coram decano examinetur et magisterium noviter dictatum coram duobus commissariis et omnibus aulo-privilegiatis chirurgis faciat, nam in terim privilegium aulicum [fol. 230v] obtinuit. Examinatus fuit 3. Septembris.
- Acta Facultatis Medicae Universitatis Vindobonensis Vol. 6, Leopold Senfelder, 1912
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
