[22. Februar 1681] I. congregatio 22. Februarii. [fol. 24v] Dom. Kremer et van Thran supplicant pro materia ad gradum doctoratus. Respondit facultas, cum recentes sint baccalaurei, disputent primum ad finem anni.

Theodorus Nivelet chirurgus supplicat pro examine. Annuit facultas ut det reversales de non practicando, donec tonstrinam habeat propriam.

D. Hefner, aulae caesareae medicus urget negotium ratione jurium pro personae et aulae medicis, ab iis qui in absentia ipsorum repetierunt. Responsum, cum causa haec delata sit ad consistorium et bono modo in facultate componi non potuerit, expectent, donec ibidem decidatur.

D. Losser, qui ab aliquo tempore et de facto medicam praxim Crembsii exercet, supplicat pro assignatione aphor. Sed rogat pro condonatione jurium. Respondi per literas, quod assignatio ipsi sit concessa sed persolvat etiam jura.

D. Radogla, physicus provincialis Crembsensis ordinarius contra D. Losser conqueritur, quod ibidem illicite praxim exerceat sibique patientes et panem abripiat.

Responsum, disponendum et cogendum esse D. Losser, ut ad facultatem repetat. De reliquo plura talia extare exempla, ubi extrafacultistae practicarunt. Sic Crembsii D. Raid senior noster toleravit D. Pettman, Traub, Niderpichler, Schwarzman et Neostadii practicavit D. Frank extrafacultista ut ad S. Hyppolitum D. Plöchinger adeoque cum spondeat D. Losser, ut facultati per actum repetitionis sese accommodare velit, eundem tolerari posse.

Frau Hessenthalerin an jetzo Khauffmanin Apothekerin zur gulden Kron hatt demietig referirt, wie dass sye von Einer löbl. Medicinischen Facultet cassa in paren gelt 600 fl. entlehnet, so mit 5 pro cento zu verinteressiren: in gleichen 500 fl., so her Heinrichsohn seel der Facultet fundirt, mit 6 pro cento aufgenommen, sambtlich also 1100 fl.schuldig verbleibe. Es seye aber per errorem eine quittung vorhanden, worinnen Ihr zugemuettet wirdet, das sye der facultet 1200 fl. schuldig sein solle, bitte demnach sollichen Schein zu cassiren undt dieses protocolando vorzumerkhen.

Supplicat ancilla D. Illmer pro stipendio Emericano et sunt ipsi concessi 30 flor.