[14. Dezember 1711] I. congregatio 14. Decembris. Praclecta sunt privilegia caesarea, facultatis statuta et propositum, cum brevi confirmanda sint, ut interea quivis penes se indaget an permanendum in prioribus an vero et quid addendum.

Occasione hujus quibusdam e junioribus non dudum facultatis gremio adscriptis discursu satis emphatico exprobravi suam proterviam et praecocem proponendi votandique modum in publicis congregationibus, quo et decani seniorumque respectus non tantum tractu temporis infringi posset aut minui et collusionibus suspectis collisiones (publicae tranquillitati omnino praejudiciosae) contingere perquam facile possent, commonendo eos juramenti depositi ac adhortando amicabiliter imprimis ut concordiam in facultate observent. Quod si tamen in hacce protervia praesumptuose persistoro velint, factiltati non defore partim ex privilegiis et statutis partim aliis praerogativis remedia, quibus illorum pertinacia tum suspensione tum exclusione corrigatur. Conticuere omnes et pacati discessere.

Supplicarunt haeredes dom. canonici Boys,39 quatenus pro dom. barono de Bantema datum a decano et facultate attestatum accuratius examinemus et desuper informationem demus.