[11. Jänner 1712] II. congregatio 11. Januarii. Proposui num facultati accideret novum biretum decanale pro ingressu majestatis fieri, secus ego propriis sumptibus facerem, quorum primum conclusum.

Praelegi litteras D. Fack Francofurto transmissas, in quibus pro innata modestia rationes allegat, ex quibus facultas non debuisset illum eligere. Verum cum hae aliacquo rationes a nobis jam essent dilutae, conclusum, ut ejus oplatam praesentiam expectemus.

Joanni Ernesto a Sauerburg med. cand. assignata fuit ad disputationem baccalaureatus materia de morbis intemperiei.

Supplicat Joannes Adamus Widman balneator et chirurgus loimicus Günsii ac Budae pro examine inspecturis mortuorum et remissus est ad magistratum pro alia resolutione.

Supplicat pro stipendio Stumpfiano Theodoricus Antonius Hell med. stud. Consideratis litteris fundationis observabatur, quod facultas jus haberet, superintendentes faciendi ex gremio, quo hactenus intermisso conclusum, ut denominentur.

Supplicarunt pro stipendio Emericanu Theresia Prandhueberin et fuit consolata altera in servitiis dom. de Hertodt ut extrafacultistae suspensa donec litterae fundationis accuratius essent examinatae num etiam extrafacultistis esset annuendum, quod quidem hactenus nunquam factum.

Monui facultatem et praesertim quosdam ex junioribus, ut ratione actus circa D. Collas in resignatione mea facti sit silentium et collusiones a quibusdam tentatae imposterum intermittantur sub comminatione suspensionis aut exclusionis, item ut in votando ordinem ac reverentiam observent.