[3. August 1678] V. congregatio 3. Augusti. Proposui scriptum archiducalis facultatis medicae Erfurtensis nostrae facultati transmissum, in quo petierunt judicium ratione cujusdam doctoris de facultate ipsorum, qui novas sententias fingit et antiquos rejicit neque monitus resipiscit. Proinde facultatis nostrae judicium requirunt.

D. Pachmayr petit sessionem et admissus est.

Andreae Jacobo Fakh med. stud. conceditur stipendium Bittnerianum.

D. Resch sanitatis magister, quia gratiam accepit ratione jurium persolvendorum in doctoratu, offert 9 flor., proxime soluturus 6 flor., dom. successori denuo persolvet 15 flor. Accepi tantum 9 flor.

Misi decretum Dri. Albrugni, qui se intitulat primo medico d'Europa etiamque del Mondo", nequam Hebraeo-Christianus.

Tenor decreti sequitur:

Spectabilis dom. decani et inclytae facultatis nomine dom. Joanni Baptistae Albrugni medicinam practicanti hisce ex offo intimandum:

Siquidem intelligat praefatus dom. decanus et facultas, Dominationem Vestram variis sese curis immiscere et praxim medicam hic libere exercere. Quod cum nullo jure Dominationi Vestrae competat, facultatis nostrae privilegiis [fol. 5v] immediate contrariatur, quaproptor hisce Dominationem Vestram, serio hortamur ut a sibi illicita praxi penitus desistat, aut sese privilegiis nostris conformem reddat, ne graviori rigore contra Dominationem Vestram praecedere cogamur.