[24. September 1725]

Congregatio 1ma habita 24 Septembris

Praesentibus P: M: Sp: et Exc: DD: Lebzelter, Pensa, Maderer, Mller, Freundt, Rauch, Guarin, Czeppl, Hirneys.

1: Johannes Nieseviz ex Macedonia oriundus dicens se esse hernio= et lithotomum supplicans Intima Cancellaria pro privilegio hic libere practicandi, remissus abind ad Excelsum regimen, ab hoc ad Faculatem cum suis attestatis; pensitatis omnibus, ipsoque praesente per interpretem audito conclusit: Facultas simile privilegium omnino esse denegandum, 1mo cum praeiudicium et damnum nostris hic inde oriatur,2do supplicantem nec germanicam, nec latinam linguam, sed solam illiricam callere, ita ut in operationibus sine praesentaneo periculo ipsi patiens concredi non possit, 3tio se etiam oretenus interrogatum producere non potuisse testimoniam disciplinae in hac allegata arte, proin videri, ipsi operationem in corio humano parvi venire, 4to testimonia allegata veidentur esse solum suffragia mendicata, licet enim a quibusdam loci judicibus et juratis, vel etiam Plebanis Hungaris data fuerint, attamen hi, ut ignari artis, nullam hernirum et calculorum diversitatem in suis testimonijs addiderunt. Accedit. quodin varijs locis, de quibus testimonia affert, aut Medici aut chyrurgi castrenses reperiantur, de quibus utpote in arte peritis nihil ipsi testato venit, quod Excelso Regimini relatum est.

2: Polinena Helmin iam anno 1714 et 1718 ex capite blasphemiae realis ad Facul= fol.476v

tatem remissa est denuo venit pro inquisitione, an melancholia, an mentis compost? conclusit Facultas, hanc foeminam laborare delirio melancholico per certas periodos, praecipue circa linae motum redeunte et arguit 1: ex constitutione ipsius hypochondriaco hysterica, 2do exd depravata victus ratione, et continuis ad D: Marcum tempore paroxismi habitis disturbijs, 3tio: ex pusillassimitate, quae et plura alia circa eandem Exc: Dominus Mller collega et ordinarius ad S: Marium una cum eorum chyrurgo luculenter testatus est, quod Praetorio per litteras compassus facultatem requirenti relatum est.

3: Balneatores suburbani conquerunt contra Eugenium Purckhard examinatum balneatorem in Oberwaltersdorf, qui in Himberg et Lanzendorf in aliorum praeiudicium praxin exercet, cinclusum: eidem per decretum praxin extra suum territorium esse inhibendam, et eum ad proximam 6 Octobris esse citand#um

4to Venerabile Consistorium Universitatis per executionem praetendat summa pro aedilibus, conceptus a Domino Causiduo libellus supplex paucis mutatis perlectus et approbatus est pro exhibitione in venerabili crastino Consistorio#

5: Vidua pharmacopoea Corneoburgensis catharina Reinholdin instat contra socium Johannem Matthes patens restitutionem receptorum et clavium ablatorem, 2do: ut praxis iterato inhibeatur, conclusum: quoad primum petat a suo magistratu quoad 2do manet prior praxis inhibitio.

6: Johannes Andreas K”stler Medicinae studiosus supplicans pro stipendio Stumpfiano resolutionem accepit, si testimonia dd: Professorum attulerit, secuturam ulteriorem rresolutionem.

7: Laurentius Krner nomine Philippi Schallinger# rogat judicium Medico Legale super laesio, exinde mortuo juvene, conclusum: Si Excelsum Regimen Facultati hanc inquisitionem iniunxerit, Facultatem non defuturam.

8: Anna Maria Ederin obstetrix ante tres annos examinata rogat pro tenenda adiutrice, cum copiosa praxi etiam Medica polleat, conclusum: non solum adiutricem non esse dandam, sed etiam praxin severe esse inhibendam.

9: Anna Maria Mllerin obstetrix hinc inde in provincia practicans rogat examen, sed cum apud nullam inscripta fuerit, conclusum: Si ab inscriptione tempus disciplinae expleverit, secuturam resolutionem.

10: Francisca Brennerin adiutrix apud Evam Rosinam Lumbeckin rogat consensum pro mutatione facienda ad Evam Rosinam Guetrathin, et consensit Facultas.