[17. Jänner 1724]

Congregatio 4ta habita 17 Januarij 1724

praesentibus P: M: Sp: et Exc: DD: Garelli j: Lebzelter, Habersack, Widman, Mannagetta, Pensa, Wallich, Caraffa, Albrecht, Mller, Freundt, Rauch, Guarin, Focky, Hulin j: Paminger, Braun, Sylverig, Angerer, Chrisman, Pl”ckner, Anderler, Czeppl, Vogl, H”ltl.

1: Venit ab Excelso Regimine decretum (cum Maria Theresia Procopsin obstetrix in Zwettl, quandam Weithrae incarceratam visitaverit tribus ab allegato partu anni quadrantibus, et iurato testimonium dederit de partu progresso, eo quod nucleos in mammis non invenerit, et orificium uteri constitutum sit, ut in puerperis) quaerendo 1mo an post tres anni quadrantes a partu dentque signa indubitata praegressi partus? et 2do an ab obstetrice allata signa sint indubitata? Conclusit Facultas ad 1mo quod praestantissimi Medici de certitudine partus post mensem hactenus dubitaverint, quid ergo de tribus anni quadrantibus iudicando, ad 2do allata signa esse adeo ridicula, ut nec mentionem mercantus, cum nucleain mammis in cacochymicis virginibus quandoque nec reperiatur, et quandoque in puerperis non lactantibus reperiatur, et et 2dum signum esse prorsus falsum; et quod haec obstetrix non inveriatur in catalogo hic examinatarum obstetricum. Quod Excelso Regimini relatum est.

2: Balneatores civici dederunt informationem, quod filius Francisci Josephi Bouffler, ab ipsis non possit pro absoluto socio recognosci vel authentisari, cum apud illos, more omnium communitatum inscriptus non fuerit, proin etiam a Facultate repulsam passus est.

3: Maria Anna Welzin adiutrix conquerit contra Magistram Mariam Rosaliam B”hmin, quod iam 7. anni quadrantibus ibi sit in disciplina, nec eam curaverit inscribi; quod alia foemina ## non inscripta utatur apud parturientes, pro arrha tamen Arcam maiorem et 4 florenos debuerit solvere de pactatis pro disciplina 60 florenis, audita utraque parte Facultas resolvit quod obstetrix ob peccatum contra ipsarum ordinem in antem commissum mulctanda sit 30 florenis, non praeclusa via gratiae, secundo: quod extortam arcam et 4 florenos teneatur adiutrici, haec vero Magistra mutico acceptos 9 florenos restituere, si vero alia ab adjutrice praetenda debita haberet, in alio et separato iudicio faciat, adiutrici quoque dictum, ut sibi de alia Magistra provideat, quae illam pro inscriptione praesentat, et absoluta cum fructu disciplina Facultas aliquid de priori tempore in considerationem sumet.

4: D: Johannes Michael Schubarth medicinae Doctor praesentat litteras nativitatis et testimonium Doctorale Oenipotanum# rogans pro admissione ad actum repetitionis intra 3 vel 4 Septimanas perogendum, cum pecuniae deficiant adhuc; resolutio ei data ut nuper DD: Mannagetta et Schwendiman

5: Johannes Michael Hayder Medicinae studiosus nuperrime disputans, cum iam in 4to annum studijs vacet, rogat pro materia ab secundam deisputationem, conclusum: posse eidem materiam conferri, sed ut circa finem anni academici disputet.

6: Exc: D: Petrus Guarin Institutionum Medicarum Professor supplicat Venerabili Consistorio Universitatis pro collatura professurae Anatomicae, quod Facultati pro relatione communicatum; igitur discedentibus tribus DD: Professoribus Facultas resolvit, quod ab hominum memoria reperiatur consuetudo, quod et Professor praxeos, uti D: Sorbaith, et [fol.460r] Professor Theoriae, uti D: Stockhamer et D: Kremer, et Institutionum Professor, uti idem D: Kremer fecerint demonstrationes anatomicas, proin Facultati aequum viseri, ut D: Practicus habeat primum annum, D. Theorista secundum, et D: Institutionisa tertium, horum vero uno vel altero nolente proximus Dominus Professor faciat demonstrationes, et sic per circulum semper iterum redeundo ad practicum quod DD: Professoribus Publicis placuit, et venerabili Consistorio relatum ab eo non immutabatur.

7: Exc: D: Johannes Baptista Leopoldus Braband Collega noster supplicat pro sua sustentatione, resolvit Facultas: cum FF: Misericordiae eum nolint, nisi infirmum habere, videndum ergo, ut possit apud judicem Leopoldinae habere victum, proin eum eo tractandum antea, dein collectionem esse instituendam.

8: Franciscus Josephus Boufler balneator in Poystorf supplicat pro assistentia contra Fr: Lazarum ex ordine FF: Misericordiae in Feldsperg, libera hinc inde praeticantem, conclusum: D: Dri Suttner ut statuum Protomedico communicandum, ut huic disordini obicem ponat.

9: Maria Barbara Hiederin, modo Stowasserin supplicat pro examine obstetricali asserens, se sub P: etM: Domino Lebzelter inscriptam fuisse, cum vero hac de se nihil in actis reperiatur, conclusum: ut inscriptionem melior doceat.

10: Maria Theresia Keillin obstetrix conquerit, quod alia suburbana nomine Armin in praeiudicium ipsius, penes illam in urbe stationem fixerit, signa obstetricalia exponendo, conclusum: ambas esse citandas, et accusatae redeundo, unde venit.

11: Pauper Obstetrix Neostadiensis Theresia Braitingerin supplicat apud Facultatem, quatenus hic inter pauperes modo alendos posset suscipi, respondit Facultas, hoc non esse nostri fori.

12: per decretum actualiter veniens ab Excelso Regimine Facultati iniunctum est, ut per deputatos compareat 21 huique in commissione cum Johanne Georgio herliz, et ordinati sunt denuo Commissarij Exc: DD: Freundt et Rauch.