[11. April 1744]

Congregatio plenaria 11. Aprilis praesentibus PP. MM. Sp. Cl. et Exc. DD. Deimbl, Kramer, Freund, Bucamps, Dam, Anderler, Vogl, Scholz, Pfundtheller, Fezer, Paminger, Proski, Hirsch, Dietttman, Steindl, Hentschl, Knoblach, Strecker, Plencius, Gelhard, Falniz, Freund, Paesmayr, Hauzinger, Marher, Juschiz, Ruck, Haberman, Gamnig, Mayr, Pacher.

1. Cum in nupera commissione classificationes contribuentium pro steura industriali elaboratae sint, et Exc. D. collegam Hirsch fors tetigit, quod prpoter amplissimam suam praxim et quam oretenus fassus ad secundam classem 150 Fl. poneretur hinc facta ipsi huius insinuatione, et non nisi 12 aureos persolvens supplicem ad facultatem libellum porrigit remostrare volentem, quod hoc attentatum praeter facultatis intentionem, contra statuta et privilegia a solo decano spectabili factum, hinc se submittit facultatis judicio, quare per vota maiora conclusum futi, quod si 100 Fl. persolverit, ipsi nullum fieri iniuriam, cuius supplex libellus etiam ad illius petitum taliter decretatus exhibitus fuit.

2. Cum ad conferendam hanc steuram industrialem antecedentibus annis a D. extrafacultistis etiam et quo quocumque modo per artem medicam se nutrientibus, simul et ab artistis in duas portiones dividenda quotta quaedam requisita sit, contigit, quod D. Dr. Petrus Bianchi ob singularem suam praxim ad classim primam 200 Fl. relatus fuerit, quare etiam haec suma ab eodem ad aerarium# facultastis deponenda per decretum expetita est, qua desuper licet per terminum ipsi praefixum se non monstrasset, monitorium quoddam eidem expeditum fuit, ad quod altera die magna cum protestatione se primum decretum non accepisse dictatam summam 200 Fl. cum adiecta scriptura ad facultatem

fol.267r

deposuit, ubi # conquestos fuit, quod in transmisso ipsi decrerto competens (qua archiatri p.m. imperatricis Amaliae, sed solum praenobilis ac excellentissimi D. philosophiae et medicinae doctoris) datas non sit, simulac quod contra aequitatem ad 200 Fl. taxatus fuerit, quare sperat in danda quiettantia competentem accepturum esse titulum, et conclusum fuit desuper, quod cum nulla unquam universitatis onera tulerit et amplissimum versetur praxi, non iniustum fuisse, quod taxatus sit ad 200 Fl.; secundo, quod alio ipsi titulatura danda non sit; et tertio, ut mittatur illi de novo aliquod decretum insinuatorium, ut intra sex septimanas vel ad facultatem repetat, vel se per aliquod privilegium legitimet vi cuius licentiam habeat, hic practicandi, secus D. pharmacopoeis insinuabitur, ut etiam illi (vigore litterarum patentium in taxa expressarum) nullum amplius conficiant recipe sub comminatione poenae.

3. Advocatis omnibus pharmacopoeis et provisoribus pharmaceuticis publicata fuit taxa cum patentibus praefixis, vi quorum illi omnem operam adferant, ut secundum hanc imposterum omnis obedientia praestetur, quare etiam spoponderunt, se id obsequi velle, sperant etiam, si in uno ulteriore medicamento pretium ratione materialium augendum esset, possibilem assistentiam.

4. Licet steura pro anno 1743 ad 2000 relaxata iam iam exsoluta fuerit, tamen ultronee missum fuit decretum monitorium ut duae facultates juridica scilicet et medica restantia a prioribus adhuc annis respee# 2 pro industriali et turcica steura 24 300 Fl. quantocijs persolverent, quare conclusum est, ut desuper fiat remonstratio huius impossibilitatis, quod et factum est.

5. Conclusum fuit, ut imposteraum (ne omnis fax mulierum concurrat, et tricas facile facultati faceret) omnes adiutrices, qui ad obstetricalem artem se inscribi capiunt, praeter taxam inscriptionis 2 Fl. etiam medietatem taxae pro examine deponant#.

fol. 267v

6. Rosina Funkin rogat inscriptionem adiutricis et aggratiata fuit.

7. Joannes Artner, philosophiae et medicinae doctor, supplicnas pro repetitionis actu, remissus est suo petito ad aulam.

8. Proposui, quod cum taxam properijs sumptibus conficere da#uerim, quod velim cuivis inclytae facultatis membro unum exemplare communicare, si tamen# inclyta facultas eadem pro leviori pretio ad rationes inserere sinet#, quod etiam annutum est.

9. DD. superintendentes fundationis Emericanae revidendas tradunt rationes, quae communicandae sunt D. censoribus.