[9. Juli 1727]

Die 9. Julij [1727] congregatio privata praesentibus P. M. Sp. et Exc. DD. Lebzelter, Loigg, Albrecht, Freundt, Paminger, Weber, Anderler.

1. Carolus Magnus, Andreas Guarin, Antonius Arbeiter, Philippus Florianus Prosky, Laurentius Hentschel et Josephus Poltzer, studiosi pro Emericano stipendio, D. Joannes Andreas Köstler, neopromotus doctor, et Jacobus Mathias Zrcher, studiosus, pro Stumpfiano stipendio supplicantes remissi sunt pro parere ad DD. superintendentes.

2. Maria Anna Pergovizin rogat examen, cum sit suscepta in Ulrichskirchen, cui deest ex 4 annis adhuc unus, conclusum:

Si magistra Solbachin citata, testata fuerit de assidua disciplina, fiat haec gratia.[fol.66v]

3 tio Ursula M„schlin, adiutrix apud Zachin obstetricem nondum inscripta rogat examen, sed conclusum: Si inscripta fuerit et annos absolverit, sequetur ulterior resolutio.

4 to . Chyrurgus Baadensis Lanoa citatus comparuit et ipsi libellus supplex Exc. D. Martini et Hortulani praelectus et praxis inhibita est.130

5 to Examinatus est Franciscus Pauer, balneator ex Prasing Bavaria oriundus, qui in Weilheim Bavariae 1716 disciplinam absolvit, mostationem131 figit ad S. Udalricum. Examinatores erant Exc. DD. Loigg, Freundt, Weber, Anderler.

In simili examinatus est Joannes Georgius Schedl ex Inferiori Döbling Austriae oriundus balneator, qui hic Viennae 1717 disciplinam absolvit balneator[e] Eberstorffij. Examinatores erant P. M. Sp. et Exc. DD. Lebzelter, Albrecht, Freundt, Paminger. Praesentabatur uterque ab Adriano Purckhard et Arnold, balneatoribus civicis. Jura facultatis 6 fl.

Magisterium primi: Emplastrum gryseum, unguentum digestivum.

secundi: Emplastrum album coctum, unguentum desiccativum rubrum. Bene substiterunt.