[17. September 1721]

Die 17^a Septembris [1721] examinatus est candidatus Vogl a P. M. Sp. et Exc. DD. : D. Pock jun., D. Rutgers, D. Bassand, D. Myeting, D. Weber, D. Sylverius, D. Dolles, D. Bucamps, D. Braun, D. Jans, D. Paminger, D. Deimbl, D. Kerner, D. Hulin jun., D. Focky jun., D. Guarin, D. Rauch, Freundt, D. Müller, D. Jordan, D. Caraffa, D. Wallich, D. Maderer, D. Pensa, D. Mannagetta, D. Widman, D. Mannabach, D. Habersack, D. Pock sen., D. Schmidt, D. Zebriach, D. Loigg, D. Suttner sen., D. Hulin sen., D. Braband, D. Sattler, D. Kremer, P.M.D. Lebzeltern, P.M.D. Fack, P.M.D. Focky {,} rector. Casum hecticae 2^di gradus bene resolvit, et in examine satisfecit omnibus, proin etiam ab omnibus admissus est.

Hac quoque congregatione accepit sorte sua puncta cras resolvenda D. Josephus Sigismundus Höltel ex Arte Parva Galeni caput 20^da signis cerebri frigidi et sicci et Aphorismorum 6. sectionis 1^ae extremis morbis etc.

Dein venit a venerabili consistorio decretum ad inclytam facultatem, requirens informationem circa puellam decennem stupro violatam.33 Cum vero stuprator sit in custodia supremi aulae marschalli et is ad venerabile consistorium, non vero, uti moris est, ad inclytam facultatem litteras requisitoriales direxerit,conclusit inclyta facultas, huic universitatis decreto respondendum non esse, nisi debita ab aulae mareschallo ad facultatem requisitio fiat. Occasione hac, cum DD. juristae consistoriales authoritati et jurisdictioni facultatis inclytae derogare velit, lecta sunt privilegia augustissimi DDni Caroli VI. facultati clementissime elargita. [fol.16v]