[27. September 1732]

Congregatio habita plenaria die 27. Septembris praesentibus Exc. DD. Habersack, Pensa, Maderer, Caraffa, Albrecht, Kramer, Rauch, Guarin, Focki, Paminger, Sylverius, Weber, Dam, Pleckner, Anderler, Salzgeber, Scholz, Zwenhof, Pfundtheller, Mannagetta, Fezer, Edschlager, Hayder, Weygant, Wudich, Salamon, Sittar, Kestler, Hupper.

1^moCitati fuerunt extrafacultista Löw, Pogatschnik, Deckler et Stepl, quorum primus se curavit excusari suo duce Saxoniae Maininger, alter Viennae abfuit, tertius nec se excusavit, quarto comparenti severissime praxis inhibita fuit.

2^doAd requisitionem venerabilis consistorij pro novis ad S. Stephanum cancellis conficiendis ab unaquaque facultate rata portio consequenter etiam a nostra soluta est decem fl. et 30 X.

3^tioDD. superintendentes fundationis Emericanae reddiderunt rationes suas de 2^daSeptembris 1725 usque ad eam 1732 et consignatae sunt DD. censoribus pro revisione.(fol.106v)

4^toD. medicinae candidati absolutis dispuationibus supplicant pro sua reverendissimo et illustrissimo D. cancellario facienda praesentatione, et annuit facultas unanimiter.

5^toAndreas Insbach defert balneatorem Helmschrod in Josephina de perperam curato digito. Conclusum: Committatur commissioni.

6^toAnna Elisabeth Walnerin obstetrix e junioribus supplicans pro tenenda adjutrice, repulsam passa est.

7^moDD. superintendentes fundationis Emericanae dant relationem, quod pro residuo habeant 17 fl., qui possent conferri pro hoc anno supplicanti Joanni Adamo Grau, medicinae studioso et annuit facultas.

8^voFranciscus Herz, Josephus Sabiz et Joannes Casparus Korman supplicantes pro stipendio Budneriano remissi sunt ad M. D. eiusdem fundationis superintendentem.

9^noSupplicans intimae cancellariae pro admissione ad actum repetitionis Exc. D. Joannes Josephus Philippus Melchior Strecker, philosophiae et medicinae doctor, Erfordij promotus, remissus est ad facultatem medicam proparere.

10^moSupplicantes intimae cancellariae pro suprema laurea doctorali candidati et rogantes ne ipsis ob laboriosas (quas conficiendas habuerunt) theses legitime retardatis DD. repetentes in sessione praeferantur:# quod per excelsum regimen ad universitatis consistorium et ab hoc ad facultatem devolutum est pro informatione sola. Conclusum: Detur secundum priora, et praelegatur haec et prioris puncti relatio in proxima congregatione.

11^moTres Exc. DD. Tschandeck, Prosky et Knitlmain nuper repetentes datis reversalibus circa dubium adhuc praecedentiae negotium aquisiverunt deposito aureo et juramento sessionem.(fol.107r)