[16. März 1733]

Die 16. Martij 1733 habita fuit congregatio plenaria praesentibus P. M. D. Lebzelter, Mannenbach, Albrecht, Kramer sen., Freyndt, Guarin, Focky, Weber, Czeppl, Vogl, Scholz, Pfundtheller, Mannagetta, Fezer, Haider, Weygant, Salamon, Sittar, Kestler, Schandeck, Prosky, Knitlmair, Hirsch, Dietman, Lehr, Rauch jun., Besnegger, Steindl, Hentschl.

1^moPorrexit suam relationem Exc. D. Dr. Albrecht, superintendens fundationis Budnerianae, et fuit conclusum in conformitatem relationis, et receperunt stipendia 25 fl. Primo# D. Laurentius Hentschl M. Dr., secundus# Casparus Korman, tertius Georgius Unger, quartus Franciscus Hertz, omnes tres medicinae studiosi.

2^doSupplicavit Georgius Basmair pro stipendio Bdneriano et datum est D. superintendenti pro relationem.

3^tioSupplicarunt pro stipendio Emericano quatour foeminae et secundam realtionem conclusum est,[fol.114r] quod nempe Catharina Nusdorfferin modo Thurnerin et Anna Ernstheimerin modo Pambergerin pro hoc anno 1733 stipendio Emericano 40 fl. frui deberent. Regina Strasserin modo Stempflin, et Sabina Lambergin modo Koppenederin fuerant ad patientiam remissae.

4^toPraelegebantur decretum ab excelso regimine, vi cuius petebantur informatio in puncto abacti partus per Barbaram Thomaserin et conclusum, quod foetus quidem fuerit vivus, credendum vero eum non fuisse vitalem editum, cum haemorrhagia 18 horarum praecesserit, dubidandumque esse, an causa alligata ad abortam procurandum sola et sufficiens fuerit, cum etiam internae dispositiones nonnunquam plurimum contribuant.

Die 28. comparuit pro examine honorifico Antonius Kögl, herniotomus, praesentibus P. ac M. D. rectore Maderer, Sylverio, Weber. Fuit admissus ad juramentum et aquisivit suum diploma honorificium. Facultati exsolvit...............3 fl.

2^doSupplicavit Judith Willichin pro examine adjutrix ad S. Marcum et fuit ipsi concessum

3^tioAnna Maria Swarzin et Elisabetha Walnerin rogaverunt pro adjutricibus et retulerunt affimativam.

4^toPropositae fuerunt litterae compassus a praetorio facultati transmissae, rogantes quatenus facultas supra acram adhibitam a chyrurgo Trautweiller apud Dominam Sailerin in fitula lachrymali accedente inflammatione oculi taxam promeritam statuere velit et cum fistula dicta non fuerit integre curata, sic advocatis etiam duobus alijs chyrurgis nempe Weikart et Hudler fuit facta inquisitio, et tandem statutum, ut per remissum respondeatur, quod in hac cura chyrurgus non pluris exigere possit quam 50 fl.[fol.114v]