[10. Juni 1733]

Die 10. Junij [1733] habita fuit congregatio privata praesentibus Sp. et Exc. Freuyndt, Rauch, Guarin, Weber, Damm, Zwenhoff, Weygant.

Sic 1^mofuit facta relatio in puncto acidulorum#, sic fuit conclusum, ut citentur Franciscus Hueber, et alter qui habet privilegium ad aquas spudanas ad proximam sessionem.

2^doSupplicavit Stephanus Priffaut pro licentia vendendi pellem divinam et conclusum fiat.

3^tioSupplicavit Elisabetha Lamprechtin adjutrix pro examine, retulit repulsam.

4^toSupplicavit Theresia Moltaubin adjutrix apud Puechamerin et annuit facultas.

5^toSupplicavit Anna Maria Konigin adjutrix apud Wolffin, et conclusit inclyta facultas, quod circa festum tutelare ad examen admitti possit.

6^toSupplicavit Barbara Ostermanin pro adjutrice, retulit repulsam.

7^moSupplicavit Juliana Fingerlosin pro adjutrice responsum, quod hac vice non annuat facultas.

8^voReiteratum fuit tentamen D. Dr. Weiss et fuit unanimi consensu ad casus resolutionem admissus.

9^noMisit praetorium ad Sp. D. decanum, quatenus velit duos D. doctores deputare ad reiteratam inspectionem defuncti cadaveris Mathiae Ignatij Achraiser, qui post assumptionem medicamenti purgantis ab agyrta quodam volgo Waldhansel dicto recepti in vomitum et hypercatharsin deijcibatur, ut tertia die exinde vita functus sit, cum autem attestatum chyrurgorum [fol.115v] praesetulerit#, quod in defuncti ventriculo arteria gastroepiploica et diversa alia vasa fuerint disrupta a violento illo motu, sic pro superabundanti securitate Clar. D. Dr. Rauch et Weygant eo deputati fuerunt, interim supra nominatus agyrta statim fuit per pedellum carceribus transmissus, ne fugitivus fieret.