[5. Jänner 1735]

Congregatio plenaria habita die 5. Januarij 1735 praesentibus P. M. Sp. et Exc. DD. Weber, Bensa, Maderer, Rauch, Quarin, Focki, Paminger, Bucamps, Silveri, Dam, Anderler, Vogl, Höltl, Scholz, Zwenhoff, Pfundtheller, Fezer, Weigant, Salomon, Mack, Kessler, Zwerg, Serdagna, Proski, Knittlmayr, Diettman, Rauch, Pesenecker, Hentschl, Schram,.

Postquam sub 17. Decembris prioris anni decretum in auditorio medico affixum erat, vi cuius ex mandato augustissimae aulae studiosis medicinae insinuatur, quod illi, qui suo tempore hic praxim exercere desiderant, hic meum#non# cursum studij absolvere, et gradum ab hac facultate recipere debeant. Facta novi anni apprecatione et gratiarum actione ob iteratam meam electionem

1^moCitata comparuit Anna Maria Pezneggin obstetrix, eo quod vigore praecedentis anni actorem duae# adiutrices ipsi inscriptae deprehensae fuerint, sed respondit, primam inscriptam iam alibi practicasse, et intuitu# desiderati examinis solum ad probam ipsi fuisse datam, quemadmodum me# non# priori anno iam examinata est.

2^doBarbara Schlegerin priori 3. Decembris pro oppido Darda in Hungaria ante disciplinam abolutam examinata obstetrix citata est illi omnis huias praxis inhibita est.80[fol.136r]

3. Paulus Rueppertus, faber ungularius in Prugg, accusat Josephum Rambschl, non examinatum balneatorem in Leopoldinam, de cura salivationis filiae suae novernae exhibita, et praetensione excessivi sostri 168 fl. et solutione assistentis medici Exc. D. Dr. Hentschl conclusit facultas, maneat apud oblatos 100 fl. et 2 aureos taliter, cum actor iam persolverit 13 aureos, ut residuum per 54 fl. 10 X. cras ad facultatem deponat, de qua peccunia Exc. D. Hentschl 6 aurei, totidem facultati pro mulcta ob illicitam et iam semel arresto mulctam praxim veniant, residuum usque ad Pascha servetur, ut videatur# an cara persistat?# et composita est erga meam quiettantiam peccunia et Exc. D. Hentschl suam ratam configravi.

4^toJoannes Georgius Paesmayr, medicinae candidatus, supplicans pro additamento Mannagettano ad Perlachianum, et Clara Mieslin 81M. D. Pok p.m. ancilla quondam pro nuptiali Emericano stipendio, supplicantes remissi sunt ad D. superintendentes.

5^toAnna Maria Konigin obstetrix accusat Mariam Jachin etiam obstetricem de iniurijs verbalibus et realibus. Ad commissionem remissa est, cum vero non potuerint componi, remissae sunt ad forum contentiosam.

6^toAnna Maria Hueberin obstetrix ad S. Marcum rogat pro inscriptione filiae. In commissione inquisitum est in hoc negotium, et conclusum, absolvat prius modernam adiutricem.

7^moBernardus Welticher, augustissimae viduae stipator pedestris, accusat Catharinam Weningin, defunctae suae uxoris magistram obstetricalem, quae quatuor mensibus post examen obijt, quod apud aulae mareschallum ipsam exequatur de residuis 12 fl. 30 X. sostri disciplinaris. Conclusum, ipsi hanc peccuniam non competere, potius eam ob contractum puniendam esse. [fol.136v]

8^voVenit a venerabili consistorio universiatis decretum intimatorium, quod quod augustissima aula Carolo Josepho Bukitsch se iactante sympathia practico sub 31. Augusti prioris anni omnem praxim inhibuerit, ut proinde juri nostro invigilemus.82

9^noLecta est relatio DD. censorum in puncto rationum prioris anni et ultimarum rationam fundationis Stumpfianae a # D. Söhnlein canonico datarum, primum ponetum absolutum et# secundum taliter determinatum, si D. Söhnlein successori suo restantem peccuniam 40 fl. et 15 fl. persolverit, absolutoricum secuturum.83

10^moExc. D. Lehr, priori decanatu a me promotus medicinae doctor, rogat litteras authenticas suae promotionis ulterioris suae sortis causa, et tale consignatum est diploma, ut in fine actorum videre est.

11. Exc. D. Carolus Emmanuel Schallenberger, Moravus Brunnensis et Exc. D. Josephus Fallniz, Austricus Viennensis, uterque philosophiae et medicinae doctores, supplicant pro admissione ad actum repetitionis, et cum omnia tam theoria quam praxeos specimina produxerint#, simulque mihi decano a DD. aulae consiliarius elapso anno emanatum decretum interpretatum fuerit praevio rigoroso tentamine, admissi sunt.

12^moCum turbulentis hisce belli temporibus S. C. M. conveniens duxerit quondam# industrialium (ut vocant) steuram per omnia regna et ditiones haereditarias elapso iam anno promulgare, ubi varij status, comunitates et collegia sine individulai manifestatione annui emolumenti, communitate quadam determinatum quantum solvendum contraxerunt, taliter et inclyta facultas medica 3000 fl ab aula desideratos obtulit et huius acceptatio mihi per decretationem 31. Decembris prioris anni consignata est, proin per Exc. D. notarium priori iam decanatu proiectatam collectationem institui, liberis ijs DD. collegis de quorum ultra 500 fl. annuum emolumentum o# quasi non constabat.84