[7. März 1735]

Congregatio tertia die habita 7. Martij [1735] praesentibus P. M. Sp. et Exc. DD. Lebzelter, Weber, Pensa, Maderer, Caraffa, Albrecht, Rauch, Quarin, Foki, Paminger, Bucamps, Silveri, Dam, Anderler, Zeppl, Vogl, Höltl, Scholz, Zwenhoff, Mannagetta, Fezer, Haider, Weigant, Salomon, Mack, Sittar, Kesler, Sichler, Zwerg, Serdagna, Hupper, Proski, Knittlmayr, Hirsch, Lehr, Diettman, Rauch jun., Pesenecker, Steindl, Hentschl, Knoblach, Schram, Weiss, Fezer# , Plencius, Holzbauer, Pogatschnig, Gellhard.

1^moProposui, quod Exc. D. collega Bucamps mediante processu ab Exc. D. Marchione de Brie sostrum deserviti sui quaerat, quod consiliarus# D. millitiae auditor iam priori anno a facultate per litteras compassales moderationem praetensae summae 11 282 Fl. --- X. desideraverit, quod (iuxta conclusum in resignatione prioris decanatus) binas non solum commissiones, sed et rotulam et per hanc scriptorum votorum cognitionem instituerim demum comissionis moderatio# praetensionem ad octo millia restrixerit, et cum haec commissionaliter tractata# etiam inclytae facultati placuerint, hinc remissoriales litterae ad D.## millitae auditorem in hac forma per D. advocatum expeditae sunt.92

2^oProposui, quod balneatore Egerer ob nuperas insolentias arrestato, et datis reversalibus (quae in fasciculo actorum huius annis asservantur) rursus dimisso balneatores civici institerint apud venerabile consistorium universitatis, ut ijs mihi denegatae appellationes per me dectretum expediatur, quod ubi insinuatum est, in ea forma statim expedivi, ut videre est in fine actorum sub littera D.93 [fol.139v]

3^oIn causa Exc. D. Pesenecker contra Wald venatorem, is ad secundam citationem rursus emansit, ergo citetur tertio cum clausula.94

4^oInfirmavi quod balneatori in Spitlberg Moldau, severam fecerim admonitionem ob nuper ex ipsius negligentia repetenti defunctam salivantem.

5^oNeoprodiens urinae inspector ad S. Auxiliatricem fuit citatus, sed princeps Castellano Spinelli pro hac vice tamquam suam domesticum excusabat per suum domus praefectum, ergo proxime citetur. Sed fomosa venatoris vidua apud tres# soleas equinas prope fluvium Wienn pseudopracticans ad commissionem nuper citata, acrem reprehensionem et praxeos inhibitionem tulit.

6^oD. Sebastianus Sartori pater familias ad S. Marcum rogat ob copiosos apud puerperas labores pro inscriptione secundariae adiutricis pro obstetrice, et cum prioribus annis pariter sic practicatum fuerit etiam hac vice inclyta facultas annuit.

7^moExhibitus fuit calculus hactenus collecti subsidij industrialis et finita collectione obstetricum in mundo scriptus proponetur.

8^vaObstetrix Elisabetha Braunerin repetit suas preces ob retentam suppelectilem obstetricalem, et quod ab obstetrice Löbhartin in publica platea iniuriata fuerit, conclusum, respectu primi committatur pedello, respecta secundi ambae citentur.

9^noAntonius Josephus Marcher, medicinae candidatus supplicans pro stipendio Emericano, remissus est ad DD. superintendentes pro parere.

10^moExc. D. Pensa, superintendens additamenti Mannagettani ad Perlachianam, dat relationem medicinae studioso Clemens, seposito candidato Paesmair proin prior 30 fl. compos factus est.95

11^moPraelectum fuit decretum venerabili consistorij insinuans novam contributionem industrialium pro hoc anno, et quod aulae commissio rursus transactionem instituere vellit. Venit et alterum aulae commissionis decretum, quod in puncto renitentium die 16. huius apud Exc. D. locumtenentem commissio instituatur. Hinc a facultate ut commissarij deputati sunt Exc. DD. Vogl et Mannagetta.96 [fol.140r]

12. Nuper tentatus Exc. D. Adamus de Lebzeltern, philosophiae et medicinae doctor, Austriacus Ecclesiopaganus, Romae 23. Septembris 1733 promotus, repetitionis gratia resolvit casum hepatitis ab Exc. D. Gellhard, sorte extracto propositum, quae soluto et unanimi secuto assensu tetigit aph. 12, sect. 2. Jura facultatis...16 fl.

ex juribus mensalibus manent...25 fl.