[12. Mai 1735]

Congregatio sexta habita 12. Maij [1735] praesentibus P. M. Sp. et Exc. DD. Habersack, Caraffa, Albrecht, Quarin, Foki, Paminger, Bucamps, Dam, Vogl, Scholz, Pfundtheller, Haider, Weigant, Mack, Kessler, Zwerg, Proski, Hirsch, Diettman, Steindl, Knoblach, Schram, Plencius.

1^moLectum fuit decretum priori mense iam expeditum ad seniorem et collegium pharmaceuticum continens inhibitionem propriae praxeos, et dispensationis receptorum de extraneis scriptorum et approbatum est#.

2^doConstantinus Hoffman, qui de illicita medicatione convictus ob corpus delicti praesens binis vicibus citatus ad facultatem, recurrit ad excelsum regimen cum declinatione fori petens commissionem. Remisit excelsum regimen pro# universitatem facultatem pro informatione ex officio, quae etiam statim sat nervose data est.104

3^oProposui, quod M. D. Ritter ad evitandam concurrentiam circa industriala remiserit sex aureos (quo ex repetitionibus DD. Schellenberger, Lebzelter et Linz semper acceptabat) cum D. Engl jura nunquam acceptaverit, conclusit facultas remittentur isti sex aurei per pedellum, qui attulit, cum non sint amplius iura quae acceptari vel non acceptari, possunt, sed iam transierunt in pecuniam Ritterianum, utpote cum gratiarum actione semper acceptati.

4^oChyrurgi aulae privilegiati et civici denuo instant contra balneatores de illicite assumpto titulo chyrurgi, afferentes novam sic subscriptam schedam. Conclusum, citetur ipsorum prior et severe adhuc semel inhibeatur, quod etiam feci.105

5^oMaximiliani Frey, pistoris in Mstlbach, vidua conqueritur contra nuperam taxationem praetensionis a balneatore Gott factam, desiderans, ut medicus in Mstelbach (qui in#ulsissimus attestatum dedit) nomine Hoffman et balneator in Ziterstorff citentur. Conclusit facultas, insistendum esse priori concluso.106

6^toNuper cum iterata admonitione dimissus Franciscus Carbonelli, Catalanus chyrurgus, supplicat augustissimo caesari pro privilegio parxeos apponens aliquod emendicata attestata (vi quorum de internis curis se ipsum arguit) remisit aula per excelsum regimen ad facultatem pro informatione. Conclusum, fiat exacta relatio quod praxis chyrurgica non nisi privilegiatis aulicis et civicis chyrurgis competat apponendo extractus nostrorum et eorum privilegiorum, et si etiam talis esset, tamen ipsi praxim medicam et internam nunquam competere.[fol. 143r]

7^moPaulus Ruepp, faber regularius iterato protestatur contra extradictionem pecuniae. Conclusum, manendum esse in priori concluso, cum legale impedimentum non adsit.

8^voReassumpta est casus resolutio, uti in congegatione quarta notatum et cum seria admonitione negotium terminatum.

9^noBarbara Schlegerin obsterix expleto semestri suspensionis de# signo obstetricali exponendo, rogat hanc gratiam. Praesertim cum vicina obstetrix se ipsam interemerit consensit facultas.107

10^moCum iam binis vicibus inter locutarie propositum fuerit, an non expediret ad evitandas publicas confessiones, ut examen baccalaureatus praecedat disputationem pro baccalaureatu, ego etiam desuper MM. DD. aulae consiliariorum mentem et omnimodam approbationem exploraverim. Inclyta facultas talem ordinem instituit, proin supplicantes filius meus Martinus Antonius, Joannes Georgius Posmayr, Josephus Sabiz et Antonius Hauzinger pro examine baccalaureatus admissi sunt, et si bene substinerint, dein ad disputationem