[30. April 1736]

Congregatio quarta die 30. Aprilis [1736] praesentibus P. M. Sp. et Exc. DD. de Webern, Pensa, Freind, Paminger, Bucamps, Vogl, Höltl, Zwenhoff, Haider, Weigant, Knitlmayr, Diettman, Steindl, Hentschl, Knoblach, Schram, Plencius, Schellenberger.

Cum balneatores in Stammerstorff et Lang Enzerstorff super decreta a facultate ipsis expedita intra praefixum sex septimanarum fuit, ut noviter ipsis eam comminatione decreta transmittantur, vi quorum intra 15 dierum spatium citentur10.

Carolus Josephus Bukitsch imponens urinae coctor non tantum ab excelso regimine sub 5. Februarij anni 1733, sed ipsa # aula 31. Augusti 1734 reprobatus, et praxi severe interdictus, cum denuo praxim medicam spreta inhibitione undique exerceret, statuit facultas, ut iuxta conclusum in priori decanatu 10. Septembris factum ad carceres deducatur.11

3^tio Lecta fuit relatio pro anno 1735 ab Exc. D. Dr. Zwenhoff superintendente Bttnerianae, ad cuius informationem cum detractatione steura ab Exc. D. comite Hardegg venationum praeside, tanquam capitalis huius mutuario facta duobus medicinae studiosi Matthaeo Juschiz et Leopoldo Haas, 22 fl. 30 [X] pro parte facultas stipendij collationem confirmavit.12

4^to Supplicantes medicinae studiosi Georgius Kathrini pro Bttneriano, Josephus Clemens13 pro additamento Mannagettano ad Perlachianam, Antonius Joannes M„hrer14, Franciscus Louvrier15, Josephus Sabiz16, Joannes Georgius Viz, Joannes Georgius Pasmayr pro Emericano remissi sunt pro parere ad DD. superintendentes. Qua occasione me confirmabit facultas resolutionem suam datam ante annum D. Francico Knöring17 philosophiae et medicinae doctori, u in redita sua stipendium Emericanum ipsi conferatur. (fol. 155v)

5^to Supplicarunt examinati duo absque praesentatione superiori ## balneatores Rambschl et Haag, ut ad conficienda magisteria# admittantur. Remisit facultas petitum ad commissionem et resolvit, ut balneatores civici eo citentur et desuper remonstratio illis fiat.

6^to Antonius Reichl, philosophiae et medicinae doctor, commembrum facultatis nostrae petit attestatum, quod membra academica a magistratus civici jurisdictione quacumque exempta sint, cui ex concluso facultatis ad modum elapsi anni respondendum erat.

7^mo Orta sunt inter obstetrices suburbanas tricae ratione Elisabethae Pergmllerin pro adiutrice ad Annam Mariam Fischerin absque omni tamen praxi obstericem sub 10. Januarij anni 1734 inscriptae, quae cum in protocollo facultatis reperta non fuisset M. tamen et Sp. D. pro eo # decanus immatriculatione huius attestato firmasset et inscriptionis oblivionem redditus mihi juribus contestatus fuisset. Unanimi voto resolutum fuit, ut actus validus quidem sit, quam citissime tamen de alia exercita magistra sibi provideat, ut disciplinae intentioni satisfacere queat.

8^vo Institerant Clara Rapoltin, Catharina Mllerin et Barbara Ostermannin obsterices pro gratiosa adiutricum collatione, sed cum motiva adducta insufficientia sunt, repulsam tulerunt.

9^no Rogavit denuo Exc. quondam D. Dr. et collegae nostri Pauli Praun vidua facultatem inclytam pro subsidio, et pro hac ac ultima vice cum 20 fl. aggratiata fuit.

10^mo Cum iam elapso anno inclyta facultas medica ad sublevandas turbulentis illis belli temporibus patriae nostrae publicas necessitates augustissimo nostro marecallo postulata 3000 fl. sub industrialis steurae titulo pro anno 1734 demississime # obtulisset, hoc auro denuo a venerabili consistorio universitatis per decretum 26. Aprilis facultati intimatum fuit, ut ad solvendam iterum pro anno 1735 eandem praefatae steurae summam intra quatuor septimanarum spatium sub poena dupli se pararet. Quod, cum in congregatione hac publicassem, proiectatum (fol.156r) fuerat, ut residuae absque fructum in facultatis aerario pecuniae eo applicentur. Porro etiam eo cum intentione vota sua absolvit, ut ex primo repetente provenientia jura (exceptis tamen admodum parum habentibus membris) reliquis pro complenda dsteurae portione reserventur. Quandoquidem vero negotium hoc ad specialem congregationem remittendum videretur, monitum me fuerat, ut, prout elapso anno integre quanti ab academicis civibus collecti summa facultatibus extradita non fuerat, sed pro laboribus suis tamquam taxam competere visam propria authoritate D. commissarij portionem huius sibi retinuissent, si questio super artistarum collectatione in consistorio instituta fuerit, hac super causa nervosa remonstratio fiat.18