[8. Juni 1741]

Die 8. Junij habita congregatio plenaria praesentibus PP. MM. Sp. et Exc. DD. Engl, Habersack, Freund sen., Vogl, Mannagetta, Salomon, Mak, Steindl, Knoblach, Schram, Plencius, Freund jun., Sabiz, Juschiz, Mannenbach, Knöring.

1. Anna Barbara Kramerin, vidua p.m. Dr. Kramer, collegae, supplicat pro subsidio. Fuit conclusum ut post festum SS. Cosmae et Daminai supplex redeat, ut resciatur quidnam, vel utrum illi ex aerario tribui possit. Similiter vero

2. Anna Rosina Mllerin, filia Dr. Kremer, et Maria Anna Pokin, filia Dr. Nicoletti idem supplicantes tulerunt negativam.

3. Alexander Mayr, medicinae studiosus, rogat pro stipendio Emericano. Remissus est pro parere ad DD. superintendentes.

4. Josephus Haberman et Franciscus Gamnigg, medicinae candidati, supplicant admissionem ad tentamen pro baccalaureatus gradu et assignatione subsequentis disputationis materiae, et cum annos requisitos et ultra studiorum ad hunc gradum necessarios habeant eademque praesiterit, quae praestando erant, ipsis annuit facultas.

5. Lecta fuit decretatio excelsi regiminis per venerabile consistorium ad facultatem missum, supra datam informationem contra pseudopracticum et chyrurgum #atelanum Franciscum Carbonelli, qua ipsi omnis praxis inhibita, et iudicatura facultati concessa fuit. Similiter

6. Supra exhibitam informationem serenissimae reginae in puncto pseudopractici Leopoldi Wolff, quondam camerarij

fol.232r

principis de Lobkowiz, resolutio aulica lecta fuit, quae omnem iurisdictionem in illum facultati attribuit, hinc citatus iterato non comparuit, non obstante quod ipsi annunciatum fuerit, hanc regiam resolutionem adesse ideoque ad carceres ductus est, et conclusum, ut casus ille apud D. de Altmanshoffer commissionaliter inquiratur, et secundum conventum iudicetur.

7. Delatum fuit, quod hinc inde balneatores non examinati licet saepius citati moventur, ideoque excelso regimini pro assistentia data est remonstratio, volentes autem examinari etiam balneatores intra lineas non nisi medium taxam persolvere velle, insuper multas dari viduas, quae hanc artem balneatoriam per unum vel alterum socium provisorio modo absque examine exerceant, unde plurimi errores et damnia emergere possent. Hinc conclusum, ut expectetur quoad primum, resolutio excelsi regiminis, secundo, balneatores intra lineas ordinariam taxam persolvere debere, et viduae omnes, si velint suam tonstrinam retinere suum socium uti pharmacopoei qua provisores examinari sciant.

8. Denunciata fuit obstetrix Antonia Duslin, apposita propter propinatas ab illa pillulas praegnanti cuidam matronae, ex quibus mors matris et prolis subsecuta est. Citata comparuit, et protulit recipe dictarum pillularum, quae constabant ex extr. panchymag., cool ## extr. fallop. ## ol cinam Q. s# quas plures etiam alijs foeminis propinasse non negavit. Hinc, cum rea inventa fuerit, deducta est ad carcres 14 dies permanendi.

9. Josephus Antonius Stffter, servus mercatoris, causam fecit apud venerabile consistorium contra Joannem Gabalium, medicinae doctorem, in puncto male attentae curae, et petit restitutionem datarum et damnificationem, quod nobis concludendum delatum est. Sed remissa haec causa est ad congregationem#.

fol. 232v