[18. Februar 1723]

Die 18. Februarij [1723] examinatus est Adam Erasmus Bocken Rheno Coloniensis pharmacopoeus, qui officinam Hornensem emerat, didicit apud D. Kunz hic Vienna. Examinatores erant P. Sp. et Exc. DD. Ritter, Suttner, Pensa et Freundt. Praesentabatur a DD. pharmacopoeis Reinier et Kunz. Satisfecit M.a sui recommendationem et admissus est, veniunt ex juribus facultati3 fl.

caetera sunt in protocollo 73

[1723/24]

Sub decanatu Sp.D. Pock 15. Decembris 1723

Congregatio 1a praesentibus P.M. Sp. et Exc. DD. Garelli jun. Lebzelter, Faber, Bosio, Ruck, Mannagetta, Pensa, Maderer, Wallich, Caraffa, Albrecht, Mller, Freundt, Rauch, Guarin, Deimbl, Paminger, Braun, Bucamps, Sylverius, Bassand, Chrisman, Plöckner, Anderler, Czeppl, Vogl

1mo D. Johannes Leopoldus de Lebzeltern supplicat pro materia ad baccalaureatus disputationem. Conclusum, ob merita P. et M. D. parentis et propria a DD. professoribus anarratas laudes (licet annos nondum expleverit, fiat hic favor, sed sine consequentia et assignata est dissertatio de scientifica medicinae certitudine desumenda ex physiologica, pathologica et semeiotica).

2do Philippus Jacobus Weygand Franco Herbipolensis, qui Pragae per triennium iam medicina collegia frequentavit, ibique disputavit, modo autem hic studet, supplicat pro stipendio Stumpfiano. Conclusum, DD. superintendentibus pro parere.

3tio Franciscus Josephus Fussler balneator in Boystorf supplicat quatenus ipsius filius, quem ipsemet instruxit, legitime absolvisse annos disciplinae authorisaretur, et cum ante 2. annos venerit civicis balneatoribus pro parere, illi autem hoc non praestiterint. Conclusum, balneatoribus pro parere intra octiduum dando, secus facultatem assensuram petito74 .

4to Johannes Georgius Herlitsch paroquarius est augusta vindelicorum, qui solet hinc inde divendere pulvere Anglicum Cephalicum errhinum. [fol.32v]

Supplicat pro licentia impressionis ad novellas, qua occasione cum hic supplicans nolit ingredientia Sp. D. decano manifestare, hic vero inscia# approbare recusaverit, ad excelsum regimen hic agyrta recurrit, quod patitum facultati pro parere venit, quia vero versante rectoris et decanorum mutatione sibi nimis longa mora videbatur, iterato supplicans pro excelsi regiminis commissione eam nactus est 7ma huius, cui facultatis nomine intererant Exc. DD. Freundt et Rauch, ubi acriter traductus hic impostor# resolutionem accepit, ut sollicitet relationem iam nuper petitam, et eo usque careat licentia venditionis et impressionis, secus D. Sp. decano manifestet ingredientia, proin et hodie resolutio ei dato, ut se conformiter excelsi regiminis sententiae gerat.

5to Johannes Wudich Carinthus Clagenfurtensis medicinae studiosus supplicat pro stipendio Emericano, et ut a facultate promoveatur in doctorem philosophiae. Conclusum, quoad primum: DD. superintendentibus pro parere, quoad 2dum: insinuet se apud Sp. D. decanum.

6to Anna Maria Haasin, qua per aliquot annos pie defunctum D. Kremer servierat, et ante biennium nuptias celebraverat, rogat pro stipendio Emericano. Decisum, DD. superintendentibus proparere.

7mo Cum Weinzierl balneator in Via Regia iam in principio huius anni mulctatus fuerit ob illicitam praxin 20 fl. is vero ad ternas citationes nec comparuerit, minus mulctam solverit, tandem comparuit, et ubi se excusare voluit, per maiora conclusum, et ei iniunctum est, ut cras apud Sp. D. decano compareat, et mulctam deponat, liberum dein erit proxime pro remissione supplicare.

8vo Lecta fuerunt statuta inclytae facultatis medicae.