[24. Juli 1741]

Congregatio plenaria die 24. Julij [1741] praesentibus PP. MM. Sp. et Exc. DD. rectore, Ruck sen., Habersack, Deimbl, Albrecht, Silveri, Vogl, Fezer, Haider, Mack, Proski, Steindl, Hentschl, Knoblach, Schram, Falniz, Freund jun., Sabiz, Hauzinger, Marheer, Juschiz, Manenbach, Ruck jun., Knöring.

1. Anna Maria Ederin, obstetrix supplicans exscriptionem ex matricula adiutricis suae Agnetis Donenbaumin, uti et Maria Anna Arnoldin causam faciens contra obstetricem Susannam Pergerin delatae sunt ad commissionem.

fol.235v

2. Josephus Antonius Linz et Christophorus Petrovitsch, medicinae studiosi, supplicant pro stipendio Bttneriano, remissi sunt pro parere ad D. superintendentem.

3. Cl. et Exc. DD. censores facultatis relationem exhibent, de revisis non solum rationibus exspectabilis# D. de Paminger, verum etiam fundationis Emericanae ac Stumpfianae, et ad datam parere extradere jussit super has facultas debita absolutoria.

4. Cum P. et Sp. D. decanus de Paminger cum pharmacopoeo provinciali Pauerspach ad exteras in provincia sitas pharmacopoeas provinciales visitaturus pergat, hinc quaesitum, utrum non conduceret, ut nomine facultatis alias etiam pharmacopoeus vi instituti civicus uno visitaret, et conclusum, ut per decretum amice requiratur, ut hoc negotium cum D. Pauerspach, et physicoordinario civitatis in se assumat.

5. Lectum fuit decretum ab excelso regimine ad facultatem missum, iniungens ut balneator in Mistelbach Weitra absque examine facultati praesito in gremium suscentus# ad idem citetur, simulque insinuatum fuit, quod balneatorum gremio in Mistelbach per decretum etiam demandatum fuerit, ne in posterum ullum absque praevio examine hic coram facultate peracto ad gremium suscipiat.

6. Cum post mortem Exc. D. Dr. Weigant secundaria superintendentia vacans facta sit, ideoque in locum illius electus est D. Dr. Mack.

7. Christianus Mohr, chyrurgus, supplicat facultati ut ipsi licentia impertiretur, in Hernals artem chyrugicam exercendi, et remissus est suo petito ad debitam instantiam dominij illam sollicitandi, dein hunc allaturus examinetur.

fol. 236r

8. Lectum est decretum venerabili consistorij per excelsum regimen ad facultatem missum, quod exigit informationem quare praeterito anno cursus anatomicus publicus tradendi intermissus fuerit. Ideoque conclusum, ut fiat informatio, quod nullum subiectum adfuerit, praeterea, cum D. professor anatomicus non adsit, ut motiva huius informationis et abstacula# intermissionis ab illo requiratur.

9. Antonia Duslin, obstetrix nuper carceribus punita citata fuit, et cum propter hanc incarcerationem contra Sp. D. decanum et facultatem hinc inde malelocuta fuit, post severe datam reprehensionem, et factam ab illa deprecationem, de novo iuramentum obstetricale ipsi praelectum fuit, quod etiam imposterum servare spopondit.

10. Exc. D. Dr. Mollitor post praestita ad repetitionis actum et allatum testimonium frequentati Nos## sessionem accepit et iuramentum deposuit, pro quo solvit jura........4 Fl.