[11. Mai 1743]

Die 11. Maij habita commissio praesentibus P. M. Sp. et Exc. DD. Kirchschlager, Rauch sen., Steindl, Streker, chyrurgis Böhm et Wenzelli in qua venerabile consistorium archiepiscopale Viennense per litteras compassales # dato 30. Januarij petit ab inclyta facultate ocularem inspectionem et informationem super casum sequentem: Accusavit nimirum Maria Anna Arnoldin maritum suum Joannem Michaelem Arnold, eo quod iam per biennium ei connubio iuncta, ab illo nunquam carnaliter cognita fuerit. Putat proinde eum impotentem, et ideo thori sc. parationem deposuit, non negabit hanc maritus, seque etiam curandum existimavit, et quamvis primitus se erectionem membri per semi alteram horam experiri pronunciaverit, tamen ab uxore falsum hoc esse, sibi obtradi passus est, absente, quod membrum eius multoties contrectaverit, absque tamen subsequente solita magnanimitate; habitus eius externus procerus quidem, sed aequaliter humicus et inflatus apparuit ut vel exinde socors ad subeundem matrimonium videretur, denudato corpore partes externae genitales omnes statum quidem utut naturalem obtinuere, tam exigua vero ut infans sex aut quattuor annorum donum naturae suum vix pro illius commutaret. Conclusum proinde est, eum ob exiguitatem testiculorum, et penis horumque functionum ad reddendum matrimoniale debitum requisitorum defectum positive impotentem esse. Jura soluta......................................3 Fl.

fol.256v