Alexius Tumar, artium et decretorum doctor, Canonicus ecclesie et Officialis Curie Pataviensis ac ad infrascripta a Reverendissimo in Christo patre et domino Laurencio, Dei et apostolici sedis / gratia episcopo Ferrariensi, sanctissimi domini nostri pape Rreferendario et datario, inquisitore ac dicte sedis per universam Germaniam et regnum Hungarie cum plena potestate legati de latere legato / commissarius et executor specialiter deputatus, universis et singulis parrachialium ecclesiarum rectoribus seu locatorum eorundem, ceterisque presbyteris curatis et non curatis per / dictam Salzeburgensem dioecesin ubilibet constitutis salutem in domino. Literas prefati domini legati eius vero sigillo oblongo de cera rubea a tergo impresso roboratus nobis presentatus / nos cum ea decuit reverencia noveritque recepisse, tenoris subsequentis: Laurentius, Dei et apostolice Sedis gratia episcopus Ferrariensis, sanctissimi domini nostri pape Referendarius / et datarius, eiusdemque ac dicte sedis per universam Germaniam et regnum Hungarie nostri cum plena potestate legati de latere legatus noster: Venerabili decretorum doctori domino Alexio / Officiali Curie Pasaviensis in Wienna salutem in domino. Nuper dilectus nobis in Christo Nicolaus Pehaim, sacerdotes et populus infrascripti supplicationem nobis exhibuerunt tenoris huius videlicet, exponit paternitati vestrae pro parte devoti oratoris Nicolai / Behaim, rectoris parrochialis ecclesie in opido Hardtperg Salzeburgensis diocesis in /victissimi principis et domini domini Friderici Romanorum Imperatoris semper augusti secretarius, idem cum postquam sanctissimus in christo pater et dominus Dominus Paulus divina provi/dencia papa secundus perfidos hereticos regni Boemiae cum omnibus suis participibus condempnasset atque invasores terrarum et dominorum dicti Romanorum / Imperatoris, et suam cesaream maiestatem invadent et hostiliter persequi non cessant, in cena Domini transacti sexagesimi septimi anni publice Rome exqueatos / publicasset et denunciasset, ut in Bullis desuper confectis, quarum tenores presentibus volt habere pro sufficienter expressis latius continetur. Assertus nobilis / Andreas Pämkircher, Johannes Moyss suus Capitaneus cum suis complicibus vt fertur fautores dictorum hereticorum dictum laudabile opidum Hardtperg, ecclesiam / ipsam, sacerdotes, populum, resque et bona inibi, Imperatore prefato, tunc in urbe romana constituto, hostiliter et inmaniter invasissent, occupassent et diripuissent / ob hoc quod sacramento mistico corporis domini nostri Jesu Christi ac alys reliquis sanctorum in eadem ecclesiam altaribus et cancello reconditis minime reverentia exhibetur. Sacer / dotes dicti oratoris in prelibata ecclesia quam asserunt execratam: coram Johanne Moyss Capitaneo et suis complicibus supranominatis ut presumitur damnatis here / ticis divina officia sepe et sepius met mortis et talis qui posset eadem in constantem virum, non in contemptum clavium etiam in finem et effectum ut sacerdotes / prefati venerabile sacramentum ac reliquias prefatas illesas absque direptione conservare possent, scienter celebraverunt, pueros baptisaverunt et indifferenter de / functos in cimiterio eiusdem ecclesie sepeliverunt per permissaque ac alia antedictis dampnatis hereticis et fautoribus e orum in missis alysque publicis divinis officys / cibo potu loquela et alys comunibus actibus participaverunt, propter que excommunicationis irregularitatem interdicti infamiam publicam ac alys se[ntencias censu]ras et penas / a iure in tales generaliter et specialiter promulgatas incurrerunt. Cum autem p[re]d[]ictus Reverend[issim?]us me dictus orator exquo omnipotens deus de sua largissima misericordia hostibus / prefatis de eodem opido Hartperg recedere et exire concessit, tam sacerdotes quam populus fidelis eiusdem opidi, nunc [?] adhesionem ipsorum hereticorum fautorumque / suorum et sequatium ac aliorum sesmaticorum et rebellum relinquere et abiurare parati existant. Mandatum domini nostri sanctissimi pape Pauli sancte Romane ecclesie / invictissimi principis Romanorum Imperatoris, Stirie ducis uti et eorum successoribus legitime regnantibus cum omnia qua decet reverentia et obedientia humiliter / obtemperare et parere volens dubitantque[?] orator et sacerdotes prefati, etiam quicunque aly sacerdotes fideles an coram populo prefato superstite absque / nota excommunicationis, irregularitatis ac alys penis et censuris supradescriptis, divina officia in dicta ecclesia celebrare ac ipse populus licite audire possent, attento / quod ecclesiam et ipsius cimiterium [sentiat] execratum. Qua de re supplicatur eidem vestre Reverendissime paternitati nomine dicti oratoris pro parte populi et sacerdotum prefatorum / a dictis excommunicationis irregularitatis, interdictis, inhabilitatis atque ipsum populum etiam a quibuscunque sentencys, censuris / et penis absolvi atque cum eisdem dispensare, ut divina officia more solito celebrata celebrari facient, ipsa quoque audire, pueros baptizare, defunctos reconciliata / ecclesia sepeliri et in statum pristinum restituire, etiam cum abolitione ab omnis infamie macula, exinde qualitercunque contracta expresse alta et intelligibili / voce Srmonis[Ormonis?] tempore. Supratactos sacerdotes et populum humiliter petunt[?] absolutos et restitutos prestito iuramento de parendo mandatis prefatis publi / cari et denunciari misericorditer de gratia speciali mandare et committere dignemini. Insuper oratori prefato ac quibuscunque alys christifidelibus sacerdotibus per / ipsum oratorem deputatum vel deputandis ut singula divina officia in ecclesia sua prefata auctoritate antedicte legationis celebrare et perficere ac omnia alia / sacramenta ecclesiastica ministrare licentiam concedere possint donat et quousque ecclesia reconciliata fuerit non obstante in contrarium facient quibuscunque. Nos enim / de predictis rectam noticiam non habens discretionis vestre comittimus quatinus si vobis legittime constiterit de veritate predictorum et quod dicti sacerdotes et populus / non voverint partes Pamkircher et aliorum eius factionis ad expugnandum ipsum opidum, sacerdotes ipsos a predictis censuris, sentencys et penis in forma ecclesie / consueta absolvatis, iniuncta eisdem pro modo culpe penitentia debita et consueta ac quod iuxta Bullas Cruciate contra hereticos desuper faciat, secum super / irregularitatibus et inhabilitatibus premissoris occasione contractis dispensando et omnem infamie maculam vigore petentium tollendo. Similiter et illos / de prefato populo, qui non facierunt ut supra, absolvatos seu absolvi faciatos ab omnibus sentencys, censuris et penis ecclesiasticis contractis ex participatione / loquele cibi potus domicilium et aliorum communiorum actum cum prefatis hereticis et excommunicatos, in predicta forma ecclesie consueta. Ab eisdem etiam / iuramentis debitis et oportunis iniunctusque ipsis pro modo culpe penitentiam salutari, restituend[um] omnes et singulas tam sacerdotes quam laicos absolutos ut[prius?] / communioni fidelium et participatorium ecclesiasticorum sacramentorum. Nos autem post absolutiones huiusmodi, ut in prefata ecclesia execrata liceat habere altare / portatile cum debita reverentia et honore super quo misse et alia divina officia celebrari possint, quoque in dicta ecclesia alia sacramenta ecclesiastica / ministrari valeant ad annum, infra quem dicta ecclesia reconcilietur. Presentibus hys nostris, auctoritate legacionis nostre, indulgemus et liberam concedimus facultatem / datum Brune Olomucensis diocesis, sub nostri mediocre sigilli impressione anno a nativitate domini millesimo quadringentesimo septuagesimo indictione tercia / die vero octava mensis septembre pontificatus prefati sanctissimi in Christo pape patris et domini nostri domini Pauli divina providencia pape secundi anno sexto. / Quibusquidem literis ut permittitur putatus et per nos receptus […?] pro parte honorabilis viri domini Achaty Schöngruntner diviarum cooperatoris in / Hartperg debita cum instancia requisiti, quatenus ad execucionem earundem procedere dignaremur. Nos vero attendentes requisitionem huiusmodi fore iustam et consonam rationi / volentesque mandatum ipsius domini legati reverenter exequi ut tenemur. Idcirco cum eodem domino Achacio Schöngruntner plebano coram nobis personaliter / constituto, qui iuxta Bullas apostolicas Sancte Cruciate contra hereticas Hussitas concessas contribuit, et se eisdem Bullis participem fecit, pecunias easdem ad cistam ad hoc Wienne deputatam, manu propria reponendo, super irregularitatibus et inhabilitatibus iuxta formam et tenorem Bullarum apostolicarum / auctoritate dicti domini legati nobis in hac parte singulariter concessa, dispensamus ipsumque a quibuscunque sentencys et censuris ac nota irregularitatis et inha / bilitatis. Si quas ut formidat coram Johanne Moyss, capitaneo Andree Pamkircher asserti nobilis, et suis complicibus fautoribus ut asseritur dictorum hereticorum, dum opidum Hartperg contra Bullas apostolicas et in contemptum domini nostri sanctissimi vi et armata manu obtinuerunt in eadem opido / Hartperg divinis se ministrando metu mortis et tali qui cadit in constantem virum, praut ipse dominus Achatius asseruit contraxisset et incurrisset absolvendus / duximus et reabilita tionem confessionemque ipsius diligenter audita ac eidem pro modo culpe penitencia quam sanctum deum et anime sue salutem vidimus expedire iniuncta / salutari ab huiusmodi sentencys et censuris in forma ecclesie consueta. Recepto primitus ab eodem de parendo sancte matris ecclesie et eorum superiorum mandatis solito / iuramento absolvimus ac communioni[?] fidelium et participatorum ecclesiasticorum sacramentorum reunionis et reabilitationis prout reunimus et reabilitamus per presentes omnem ma / culam aufferendo et tollendo, dantes et concedentes eidem Achacio divina celebrandi officiumque suum sacerdotale libere et licite exercendum, nisi aliud obstat ei canonum impedimentum. In quo consentiam eius oneramus plenam in domino auctoritate prefati domini legati licentiam et facultatem. In quorum fidem et testimonium / premissorum presentes literas damus sigilli officialatus maioris a tergo roboratus. Datum Wienne die vigesima mensis Septembris Anno domini / Millesimo quadringentesimo septuagesimo.

Source Fulltext: Hannes Naschenweng