Charter: Urkunden (1002-1969) 2327
Signature: 2327
Add bookmark
Edit charter (old editor)
22. April 1253, Friesach
Rudolf, Cholo und Reimbert, Brüder von Rase, geben Philipp, Erwählten von Salzburg, Pfand und Bürgschaft ihres und der Ihrigen Gehorsams. Current repository:
Archiv der Erzdiözese Salzburg (www.kirchen.net/archiv)
Archiv der Erzdiözese Salzburg (www.kirchen.net/archiv)
Fragmente und Spuren von 15 Wachssiegeln.
Nos Rudolfus, Cholo et Reimbertus fratres de Rase1) tenore presentium protestamur, quod cum nos Cholo uidelicet et Reimbertus essemus extra gratiam domini nostri Phylippi Salzpurgensis Electi2) nostris culpis exigentibus constituti, sue reformati fuimus gratie sub pactis et tenoribus subnotatis. Primo proprietatem quam habemus in castro nostro Lewenburch 3) et omnibus suis pertinentiis libere et absolute ipsi domino nostro Electo et ecclesie Salzpurgensi tradimus et donamus, et ab eo dictum Castrum cum dictis suis pertinentiis iure recipimus feodali. et promittimus, quod talem cum ipso castro Lewenburch ad ipsum dominum nostrum Electum et suos successores respectum habebimus exnunc inantea quod quandocunque uoluerit cum paucis seu cum multis ad dictum se castrum conferre quod ei uel suis nullatinus precludetur, sed apertum uolumus esse castrum ipsum sibi et suis quadocunque et contra quemcunque uoluerit indigere. Promittimus etiam quod si forte proprietas dicti Castri Lewenburch et ei pertinentium ab aliquo uel aliquibus infuturum fuerit impetita, quod ipsum castrum et eius pertinentia ab impetitione cuiuslibet absoluemus et defendemus domino nostro Electo et ecclesie Salzburgensi. Item promittimus et spondemus quod eidem domino nostro Electo exnunc usque ad festum Sancti Michahelis uenturum proximo et abinde ad duos annos cum decem dextrariis coopertis extra terram seu prouinciam uersus Bawariam videlicet Forum Julii4) et ultra Lvunzensem clausuram5) quandocumque et contra quemcumque uoluerit seruiemus. In terra uero usque ad montem durum6), fluuium Muram7) dictum, clausuram Luenzensem, canales8) et alios terrae terminos nec non usque ad nemus quod uulgariter pirpavmerwalt9) nuncupatur cum eisdem decem dextrariis10) coopertis et cum Triginta personis armatis aliis usque ad eundem terminum nostrum ei feremus adiutorium quandocunque et contra quemcunque uoluerit ut est dictum. Si uero infra tempus prescriptum nostri non indiguerit seruitii idem dominus noster Electus uel ab eo non fuerimus requisiti, extunc inantea tam diu suis esse uolumus seruitiis obligati quantum temporis effluxerit termini antedicti et a tempore seruitii inchoati ad tantum temporis quantum prescriptum est suis nos seruitiis cum totidem antedictis coopertis dextrariis et armatis nos similiter obligamus. Insuper promittimus quod omnibus eiusdem domini nostri Electi hominibus de illatis satisfaciemus dampnis que per nos uel nostros sustulisse noscuntur, infra quatuordecim dies postquam requisiti fuerimus iuxta quod testimonium proborum dixerit, uel lesi sui probauerint iuramento. Item promittimus quod nunquam deinceps nos uel nostri in strata uel alibi uiatores uel alios occasione alicuius Mute, uel telonei aut conductus quod vulgariter geleite dicitur in persona molestabimus uel in rebus, nec offendemus sicut diximus de sepefato castro Lewenburch, uel de aliis castris, Vedrovne11) Rasekke12) Glanekke13) et aliss si qua forte noua duxerimus erigenda, transeuntes aliquos uiatores. et idipsum de castris seruare promittimus si quando in castris locati fuerimus alienis. Si autem quod absit de premissis castris aliqui fuerint molestati illud tenemur infra dies quindecim retractare. Vt autem hec omnia per nos debeant inuiolabiliter obseruari damus fideiussores subnotatos ipsi domino nostro Electo et ecclesie Salzpurgensi pro Sexcentis Marcis talium denariorum pro quorum nouem solidis Marca argenti ualeat comparabiliter estimari unumquemque uidelicet fideiussorum pro tanta pecunie quantitate quantam suum continet instrumentum. Insuper ut pro dictis Sexcentis Marcis denariorum sufficientius caueamus sexaginta Marcarum redditus proprietatum nostrarum pro eisdem sexcentis Marcis obligamus ipsi domino nostro Electo et ecclesie Salzburgensi. quas fideiussionem scilicet et predictarum proprietatum obligationem durare uolumus hinc usque ad festum Michahelis uenturum proxime et abinde ad sex annos ita uidelicet ut si infra eundem terminum contra predicta uel aliquod predictorum uenerimus nec illud usque ad supradictum xiiij cim dierum spatium duxerimus emendandum, extunc predicti 1x ta Marcarum redditus transeant libere et absolute in usus et proprietatem ecclesie Salzpurgensis. et nichilominus fideiussores statuti uel persoluant ipsi domino nostro Electo uel successori suo Sexcentas Marcas, uel ad mandatum ipsius domini nostri Electi se in quibus iusserit locis nomine obsidum uerorum recipiant non abinde recessuros donec predicte Sexcente Marce sibi uel successori suo integre persoluantur. Quodsi forte predictorum 1x Marcarum reddituum predicta de causa deuolutorum ad ius et usum ecclesie Salzpurgensis uel castri Lewenburch proprietas ab aliquo uel aliquibus fuerit impetita. illam ab omni impetitione tenemur defendere et absoluere ipsi domino nostro Electo et ecclesie Salzpurgensi. quam defensionem et absolutionem si non fecerimus, uel defecerimus forsitan in eadem, fideiussores statuti persoluere tenebuntur ipsi domino nostro Electo uel suo successori predictas Sexcentas Marcas. uel ad mandatum ipsius uerorum obsidum nomine recipient se in locis que ipsos iusserit intrare eo tenore sicut iam superius est expressum. Finitis uero sex annis predictis si 1x ta Marcarum redditus memorati ob predictam causam de usu et iure facti forsitan ecclesie Salzburgensis, ab aliquo uel aliquibus fuerint impetiti tenebimur nos ipsi eorundem reddituum proprietatem ipsi domino nostro Electo et ecclesie Salzpurgensi defendere et absoluere ab impetitione qualibet in futurum, cum post iam dictos sex annos cesset inantea fideiussorum fideiussio memorata. Nos igitur Otto de Trahberch14) pro Centum Marcis denariorum, Vlricus de Liechtenstaine15) pro quinquaginta Marcis denariorum. Cobertelus de castro pro quinquaginta Marcis denariorum. Ortolfus de Osterwiz16) pro quinquaginta Marcis denariorum. Vlricus de Hauenerburch17) pro quinquaginta Marcis denariorum. Reimbertus de Saeldenheim18) pro quinquaginta Marcis denariorum. Chnivzlinus de paradyso19) pro quinquaginta Marcis denariorum. Albertus de Werdenburch20) pro xx ti Marcis denariorum. Vlricus de Treven21) pro viginti Marcis denariorum. Offo de Tiuffenbach22) pro xxv Marcis denariorum. Otto de Chienburch23) pro quinquaginta Marcis denariorum. Cholo de Saeldenheim pro Marcis denariorum 1x ta et pro Marcis denariorum xxv constituimus nos pro dictis tribus fratribus de Rase fideiussores ipsi domino nostro Electo et ecclesie Salzburgensi singuli pro annotata hic sibi pecunie quantitate. Et ut predicti fratres de Rase faciant et accedant ad que se superius astrinxerunt, obligamus nos predicto domino nostro Electo et ecclesie Salzpurgensi sub pena memorate pecunie eo tenore sicut de fideiussoribus superius est distinctum. in fideiussionis et obligationis huius euidens documentum et testimonium omnium predictorum sigilla nostra huic littere appendentes. Nos autem qui sigilla propria non habemus sigillis esse contenti uolumus aliorum. Adhoc nos Rudolfus, Cholo et Reimbertus dicti fratres de Rase promittimus et proprio iuramento firmamus, quod dicto domino nostro Electo et successori suo pro posse nostro sine dolo et fraude qualibet seruiemus, et ad ipsum tanquam ad dominum nostrum respectum habebimus cum omnibus castris nostris quoaduixerimus bona fide, obligantes sibi de proprietatibus nostris Triginta Marcarum redditus pro Marcis argenti Trecentis quos scilicet xxx ta Marcarum redditus si a suis nos inuenerit seruiciis declinare uel dolum aut fraudem committere contra eum. uolumus extunc in usus suos et proprietatem ecclesie Salzpurgensis cedere ipso facto, et ad solutionem dictarum ccc tarum Marcarum argenti uolentes esse sibi nichilominus obligati confitemur reatu periurii nos respersos et notam infamie incurrisse. Si autem dictorum xxx ta Marcarum reddituum ob iam dictam causam de usu et iure factorum forsitan ecclesie Salzpurgensis, uel predictorum 1x ta Marcarum reddituum aut castri Lewenburch proprietas ab aliquo uel aliquibus, qui infra sex annos predictos subpresserunt impetitionem forsitan ex aliqua gratia uel amore uel ex quacunque alia causa, post eosdem sex annos fuerit impetita, promittimus, et proprio iuramento firmamus tam dictorum triginta Marcarum reddituum, quam et castri Lewenburch proprietatem, defendere et absoluere ipsi domino nostro Electo et ecclesie Salzpurgensi, quod ipsum et Salzburgensem ecclesiam in quoque et singula supradicta nostros extendi uolumus ad heredes. Ad predictorum autem omnium perpetuam memoriam et euidens documentum hanc cartam conscribi et sigillis nostris fecimus roborari. Acta sunt hec apud Frisacum Anno Domini Millesimo cc. liij. decimo Kal. Maii.
Source Fulltext: DOPPLER
Original dating clause: Anno Domini Millesimo cc. liij. decimo Kal. Maii.
Notes:
Über die in dieser Urkunde genannten Burgen und Edelleute siehe: Kärnthens Adel bis zum Jahr 1300. Verfaßt im Vereine mit mehreren Geschichtsfreunden von A. Weiß, Archivar des kärnthnerischen Geschichts-Vereines. Wien. Braumüller 1869. 1) Rase, vom Schlosse Ras bei St. Jakob im Rosenthal in Kärnten. - Rudolf dem ältern von Rase folgten seine Söhne: Rudolf von Rase, Cholo (Nikolaus) von Leonberg und Reinbert von Glaneck. Weiß l. c. p. 125. 2) Philipp, zweiter Sohn des Herzogs Bernhard von Kärnten, zum Erzbischof von Salzburg erwählt 1247, entsetzt 1256, gestorben 1279. 3) Lewenburch, Leonburg, Levmburc, Wasserleonburg, am südlichen Fuß der Villacher Alpe, Bamberger Lehen. Weiß l. c. p. 91. 4) Forum Julii, Friaul. 5) Lienzer Klause im Pustertal. 6) Mons durns, Hartberg. 7) Murfluß. 8) Kanaltal in Kärnten. 9) Birnbaumerwald in Krain. 10) Dextrarii, Dextrales, Equi majores, et cataphracti, quibus utebantur potissimum in bellis et praeliis. Du Cange Glossar. Tom. II. p. 73. 11) Vedrovne, Burg Federaun an der Gail in Kärnten. Das Erdbeben 24. Jän. 1348 stürzte diese Burg, wie Kellerberg, Hollenburg etc. zusammen. Weiß l. c. p. 58. 85. 12) Rasekke, Roseck im Oberrosental an der Drau. Swicker von Rasecke, Bruder Rudolfs des Ueltern von Rase, wurde von den Villachern im J. 1238 in einen Hinterhalt gelockt und erschlagen. Rudolf von Raitenau, Bruder des Erzb. Wolf Dietrich, salzb. Vicedom zu Friesach, kaufte 1610 Roseck. Weiß l. c. p. 128.290. 13) Glaneck an der Glan in der Pfarre Friedlach. 14) Traberch, Unterdrauburg. Weiß l. c. p. 146. 15) Vlrich von Lichtenstaine, der ritterliche Dichter geb. c. 1200, gest. c. 1276. Er gelobte am 12. Mai 1250 Philipp dem Erwählten von Salzburg Heeresfolge in Kärnten und Steiermark, versprach seinen Sohn Ulrich mit der Tochter Chunrads von Goldeck zu vermälen, übergab seine Tochter, Wulfings von Treuenstain Ehefrau, der Kirche Salzburg als dienstpflichtig (ministerialis), und verpfändete für diese Zusagen seine Burg in Murau um 1000 Mark Silber. Lib. Cop. p. 103. 16) Von Osterwitz, Schenken in Kärnten. Mit ihrer Hauptburg, einem der ältesten salzb. Kirchengüter im Lande, unterstanden sie dem heil. Ruprecht, im Übrigen waren sie herzogliche Vasallen. Weiß l. c. p. 107. Vergl. Iuvavia Anh. p. 126. 206. 17) Von Hafnerburg, zwischen St. Ulrich und St. Urban an der Glan, waren Kastvögte von Gurk. Weiß l. c. p. 74. 18) Von Seltenhaim. Die Reste ihrer Burg sind in das jetzige Schloss unsern Halleck (Pfarre Tultschnigg bei Klagenfurt) eingebaut; weiter im Waldgebirge stehen auch noch Trümmer einer Warte und Ringmauer, von den Umwohnern Alt-Seltenhaim genannt. Weiß l. c. p. 134. 19) Von Paradeis. Chneusel 1240 Stadtrichter zu Villach. Weiß l. c. p. 108. 20) Von Werdenburch, 1299-1324 Besitzer bei Tultsch, ganz in der Nähe von Seltenheim. Weiß l. c. p. 260. 21) Treffen am Treffenbach. Weiß l. c. p. 148. 22) Von Teuffenbach. Im Jahre 1302 waren sie Gurker Ministerialen. Weiß l. c. p. 145. 23) Von Küenburg, de Kunesperch, Chienberg, Kyenburg seit 1202, wenn nicht schon früher, in Kärnten urkundlich. Weiß l. c. p. 88.
Places
- Friesach
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}