Sanctissimo in Christo Patri ac Domino Innocentio digna Dei prudential sac. Romanae ac universalis Ecclesiae Summo Pontifici Leopoldus Sachsengang, Rector Parrochialis Ecclesiae S. Stephani Viena Pat. Diocesis cum sui Recommendatione humillima devota pedum oscula beatorum ad Vestrae Sanctitatis aures non dubito devenisse, qualiter praeclarus Princeps, Dominus Rudolphus, Dux Austriae, Styriae et Carinthiae, Dominus meus gratiosus mox post decessum Domini Alberti Ducis Austriae sui genitoris in primordio terrarum suarum regiminis, licet aetate juvenis, senex tamen moribus Dei intendens cultui, Eeclesiam s. Stephani praedictam, cujus patronatus et praesentandi ad earn Rectorem dum vacat a temporum devolutione haereditaria dignoscitur pertinens, quam sumptuosis aedificiis ornat et ampliat, Vestra approbatione media in Collegiatam Eeclesiam redigere desiderat et intendit. Verum cum ex hoc divinus cultus augeatur quam plurimum dicta Ecclesia rebus et honoribus extollatur nee mihi in fructibus et juribus consuetis et debitis detrimentum et praejudicium aliquod generetur, Ego tanquam dictae Ecclesiae Rector matura deliberatione pluries praehabita praesertim cum viris prudentibus privatis in jure canonico sponte libere et ex certa scientia praenotatis Domini mei Ducis voto, intentioni et proposito a plebe dicti loci desideratis diutius plenum, liberum expressum meum consensum adhibui et adhibeo per praesentes, V. Sanctitatis clementiae supplicans humiliter et devote, quatenus auctoritate apostolica indulgere, concedere et approbare dignemini favorabiliter, quod in dicta Ecclesia Collegium, ut praedicitur, erigatur, Et ut in praemissis meus assensus notetur evidentius, praesentes mei consensus literas sigillo meo pendent sigillatas obtinui, nihilonimus Venerabilium in Christo Patrum Dominorum Joannis Clementis ad Scotos in Vienna, Joannis Chötwie Abbatum monasteriorum ordinis s. Benedicti, Ortolfi praepositi monasterii Neumburgensis dictae Patav. Dioecesis et officialis Patav. Sigillis pondentibus sigillatas et nos confirmatus Gurcens. Episc. Abbates et Praepositus praefati Recognoscentes praemissa omnia et singula ob instantes preces dicti Domini Rectoris sigilla nostra pendi fecimus ad praesentes. . . . Acta sunt haec Viennae in cimiterio Fratrum Heremitarum s. Augustini idibus Novembris hora quasi sexta anno Domini 1359, indictione 12., Pontificatus praefati Domini Innocentii Papae VI. anno 20