Gerart von Cleve, greve to der Marck. Guede vrynt, also y uns geschreven hebt, ind ouch mede gesant eyne cedell inhaldende van eyme dage alhir to Zoens to halten van hude to acht dagen dat is des sundags post Jacobi tuysschen u ind der pertyen to Dorpmunde etc. gelijck uwe bryeff ind cedel vurs. dat inhaldent hebn wy verstaen ind begern u daer up to weten dat uns dat to der tijt nycht so gelegen is, want wy asdan wilt Got syn ind wesen willen in unsen land van der Marck so wyr dae to schaffen hebn, ind uns dar umb des dages also nycht en kroeden, dan uns dachte wael eyn syn wesen, dat y schrevet an dy stat van Dorpmunde ind an dy pertyen ind off sake were, dat y des dages under u eyns kundet gewerden, kund wy dan mit unsen vrynden dar to geraeden ind gedaen, dat y up ylker syden uwer saken to vreden quemet, dat woild wy ynen doen. Geg. des sundags post division. aplor. nro. sub sig. anno etc. XXX secunda.