C In nomine sanctae et individuae trinitatis. Arnolfus divina favente gratia rex. Notum sit [omnibus sanctae] dei ecclesiae fidelibus nostrisque, praesentibus scilicet et futuris, qualiter noster quidam mininisterialis nomine Heimo serenitatis nostrae magnitudinem deprecatus est, ut in orientalibus partibus in pago Grunzuuiti dicto, ubi Arbo terminialis comes praeesse visus est, super proprietatem suam legalem sibi rectitudines potestatem in proprietatem concessissemus. At nos petitionibus eius libenter annuentes memores crebri devotique eius obsequii decrevimus ita fieri. Dedimus quidam ei cum consensu praefati comitis eiusdem hereditatis suae rectitudinem perpetuo iure in proprietatem et iussimus hos celsitudinis nostrae apices inde fieri, per quos sancimus firmissimeque iubemus, ut nec praenominatus comes nec ullus iudex publicus vel ulla ex iudiciaria potestate persona ausu temerario contra hanc nostrae institutionis auctoritatem in easdem proprii sui iuris causas aut homines eius tam ingenuos quam servos ibidem habitantes distringendos vel ullas inlicitas occasiones seu ullius praessurae calamitatem ingerre^a) vel exactare presumat, sed liceat illi successoribusque suis eandem rectitudinem secure atque tranquille habere ac possidere in aevo, eo videlicet rationis tenore, ut homines eius inde cum terminali comite, ubi ipse elegerit, urbem aedificent, et si quando necesse eveniat, ad semetipsos defendendos cum rebus suis illuc confugium faciant, custodias cum caeteris more solito ad communem suae salvationis vel circumspectionis contra inimicorum insidias tutelam vig[il]anter exhibentes. Ad publicum iam fati comitis mallum scilicet idem Heimo seu vicarius eius legem ac iustitiam exigendam vel perpetrandam pergat, etsi forsan de Marauorum regno aliquis causa iustitiae supervenerit, si tale quidlibet est quod ipse Heimo vel advocatus eius corrigere quiverit^b) iudicio eiusdem comitis potenter finiatur. Insuper etiam statuimus ipsique Heimoni praestitimus, ut universa debita legalia de gente inibi in proprio suo residente terciaque pars bannorum sub eodem hereditarii iuris tenore sibi in proprium ex integro persolvantur, qui dicuntur civiles banni caeteraque debita cuncta ad integrum sine alicuius partitione de eodem populo aeternaliter illum successoresque eius pertineant Et ut haec concessionis nostrae auctori[t]as inviolabilem in dei nomine per omnia volventis mundi curricula obtineat stabilitatem et a fidelibus nostris omnibus verius credatur ac diligentius observetur, manu propria subter illam roborantes anuli nostri imp[re]ssione iussimus insigniri.||
Signum Arnolfi (MF) serenissimi regis.||
Aspertus cancellarius ad vicem Theotmari archicapcllani recognovi et SR.||
[Data . . . . . . i . . . . anno] dominicae i[ncarnationis . . . . . . . ], indict. [...., ann]o autem I regni do[mni Arnolfi regis . . .; actum Franconofurt; in] dei nomine [feliciter amen.]

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 51-52.