+ Johannes episcopus servus servorum dei reverentissimo ac amantissimo confratri nostro Friderico sancte Iuuauensis ecclesie archiepiscopo ac post^a) te in eadem ecclesia in perpetuum. Si sacerdotum ac reverenorum fratrum nostrorum votis et piis desideriis inpertimur assensum et deum nobis propicium faciemus et eos contra raptoris insidias, ne grex dominicus incipiat lacerari, solliciciores reddemus, quia status et honor ecclesiarum dei, quibus ipsi preesse videntur, communis profectus^b) est et communis gloria, communis utique salus est. Et ideo quia tua specialis^c) devotio expostulavit a nobis, quatenus eiusdem Iuuauensis ecclesie per tuam fraternitatem ius, honorem et privilegium sibi antiquitus traditum, non solum a nostris predecessoribus^d), sed etiam a piissimis imperatoribus hactenus conservatum confirmare et in perpetuum roborare decrevissemus, karitatis amore minime denegamus. Inclinati igitur dignis tue. fraternitatis peticionibus in eadem sancta tua ecclesia confirmamus stabilimus ac roboramus omnia privilegia seu precepta et instrumenta kartarum, iura quoque sive paternas traditiones, quas ab antecessoribus nostris pontificibus et a christianissimis imperatoribus Karolo dive memorie et omnibus successoribus eius^e) necnon et a Baioariensibus regibus de episcopatibus monasteriis xenodochiis plebibus titulis curtibus mansis villis colonis et colonabus et utriusque sexus familiis et quicquid ipsa sancta ecelesia Iuuauensis^f) promeruit vel iure promereri poterit, summa etiam^g) diligentia confirmamus et apostolica auctoritate roboramus tibi tuisque successoribus in perpetuum. Deinde quoque loca nostra in Baioaria iacentia regione sic nominata: Winiheringa, Antesna, Wolinbach concessimus predicto archiepiscopo, sicut a predecessore^h) nostro Agapito papa iam antea concessum est contra censum, ut annuatim tres libras argenteas super altare sancti Petri conferantur. Nam etsi in primo anno non venerit, in secundoⁱ⁾ anno sex libre dentur; et si accidente causa evenerit sive pro infestatione paganorum vel pro iniquis hominibus, ut census a vobis minime venire possit^k), in tercioⁱ⁾ anno totum impleatur; et si census ille in tercio anno adimpletus non fuerit, tunc prenominata loca redeant modis omnibus in potestatem et ditionem^l) sancte nostre sedis apostolice; si vero census per omnia adimpletus sit, stabilis sit in perpetuum. De illo ceco nomine Heroldo, qui antea fuit episcopus et nunc missam cantat per suam audaciam, quod ei licitum non est, si deinceps in tali presumptione permanere presumpserit, ut iterum missam cantet, sciat auctoritate beati Petri apostolorum principis et nostra se anathematizatum et ab omnibus fidelibus Christi^m) sequestratum. Concedimus denique fraternitati vestre utendi pallium quatuor festivitatibus, quibus in alio privilegio vobis minime concessimus; nunc vero propter petitionem Ottonis serenissimi atque invictissimi imperatoris donamusⁿ⁾ licentiam, videlicet in festivitate sancti Lavrentii, in festivitate sancti Mavricii^o), in festivitate sancti Rvdberti et in natalicii tui die. Si vero, quod absit, postposita patrum regula neglectaque interdictione contra hoc nostrum pontificiale decretum magnus vel parvus homo^p) peregerit rapinas atque depredationes exercere vel calumniam^q) et preiudicium suprataxate ecclesie Iuuauensis de predictis^r) locis superius nominatis et hanc nostram apostolicam sanctionem violare aut irrumpere temptaverit, sciat se anathematis vinculo innodandum et a regno (dei)^s) alienandum atque cum Iuda traditore eterni ignis incendiis nisi resipuerit exurendum. Qui vero custos et observator huius nostri privilegii devote et obedienter extiterit, benedictionis graciam a beato Petro principe apostolorum et misericordiam a deo patre et domino Iesu Christo consequi mereatur.||
Scriptum per manum Stephani notarii et regionarii atque scriniarii^t) sancte sedis apostolice in mense februario, indictione quinta. + Bene valete.||
Data VII idus febr., per manus Andree arcarii^u) sancte sedis apostolice, imperante domno Ottone piissimo augusto a deo coronato magno imperatore anno primo in^u) mense primo, indictione nostra quinta^v).

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 86-88.