C. ++ In nomine sancte et individue trinitatis. ++ Manegoldus dei gratia Pattauiensis episcopus in perpetuum. Cum rectores ecclesiarum ex ipso prelationis offitio caritatis visceribus abundent in alios, ut exemplo efficatius quam verbo doceant, quia non sic evincere mentes humanas edicta valent quam vita regentis, profecto dignum est et omnino conveniens, ut specialioribus sancte dilectionis ligamentis se invicem amplecti debeant et ecclesiarum profectibus, quibus auctore deo prefuerint, mutue karitatis instinctu alternatim prospicere et necessitatibus pro modulo subvenire, quo possit perseverantius a sibi commissis divinis servitiis insudari.^a) Hinc est ergo, quod ad peticionem domini Ottonis sancte. Salzpurgensis ecclesie maioris prepositi et tocius capituli mutam, que nobis et antecessoribus nostris de vino canonicorum Salzpurgensium solvebatur hactenus, pro salute nostra et omnium predecessorum nostrorum eidem ecclesie donamus et concedimus statuentes, ut vinum eorum per mu/otam nostram liberum habeat transitum et nullius occasionis pretextu aliquo exactionis genere a nostris mutariis oneretur. Verum enimvero^b), quia facta temporum labuntur cum tempore et gestis hominum presertim utilibus novercatur infelix oblivio oblitterando videlicet ab humana memoria preteritorum noticiam, que litterarum apicibus eternata non fuerit, ne qua possit in posterum de facto nostro suboriri calumpnia, donationem nostram scripto mandari fecimus et sigilli nostri munimine roborari virorum illustrium, qui donationi cum fieret presentes aderant, nominibus subaratis: Hartnidus prepositus Aquileigensis^b) Patauiensis canonicus, Chunradus Patauiensis canonicus et plebanus maioris ecclesie, Otto Patauiensis canonicus, Rv/odegerus Patauiensis canonicus, Heinricus de Witen, Pattauiensis canonicus, Heinricus de Lonstorf dapifer, Hademarus de Wesen pincerna, Livtoldus de Sauersteten, Meinhardus de Mvrringen, Heinricus quoque tunc temporis decanus cum aliis canonicis tunc presentibus licet donationi facte ab initio non interfuerint, eam tamen, prout a nobis rationabiliter et pie facta fuit, ratam habuerunt et concorditer approbarunt.||
S.^c)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 155.