+ ++ Eberhardus ++ dei gratia Salzburgensis archiepiscopus, apostolice sedis legatus, venerabilibus in Christo fratribus A(lberto) preposito, C(hunoni) decano totique eiusdem ecclesie capitulo salutem in eo, qui est salus et vita. Ut ea, que auctore domino ad honorem dei et ecclesie statuimus, solidum optineant robur firmitatis, scriptis conmendare et noticie tam futurorum quam presentium transmittere necessarium ducimus. Inde est, quod cunctos Christi fideles scire volumus, quod nos ecclesiam in Castu/om cum prediis Gavrichinge et aliis remissionibus, que ad nos spectabant de prediis canonicorum, iure advocatie et libero transitu per pontem nostrum ultra Enum fluvium dilectis fratribus nostris canonicis cathedralis nostre ecclesie contulimus iure perpetuo possidendam hoc firmiter statuto, ut de proventibus tam ecclesie supradicte quam aliorum redituum suprapositorum cappe singulorum canonicorum agnellinis pellibus subvestiantur et sacerdoti missa pro defunctis in altari iuxta nostram sepulturam lautiori annona de conmuni provideatur. Quia vero ecclesia supradicta tempore nostre donationis non vacabat, ne nostrum propositum bonum alicui persone generet dispendium, statuimus, ut quamdiu Livtoldus plebanus supervixerit, singulis annis officiales nostri in salina reddant capitulo Salzburgensi libras XXIII Salzburgensi monete. Ut autem hec nostra donatio et donationis ordinatio conmutari non possit in futurum, presentem inde paginam scribi et sigilli nostri autentico conmuniri iussimus.||
Data ap(ud) Salzburch, XV k(al.) martii, indict. VII, anno ab incarnatione domini MCCXVIIII, pontificatus vero nostri anno XVIIII.||
S.^a)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 259-260.