In n(omine) domini. Anno dominice incarnationis millesimo ducentesimo tricesimo secundo, pontificatus domini Gregorii noni pape anno eius VI°, indict. V, mense martii, die XXV^a. Ego magister Henricus Saccouensis^a) electus nuntius et procurator venerabilis patris domini E(berhardi) Salzseburgensis^a) archiepiscopi aput sedem apostolicam constitutus confiteor me procuratorio nomine ipsius archiepiscopi et ecclesie sue pro archiepiscopatus sui negotiis procurandis mutuo recepisse a vobis Bobone Iohannis Bobonis domini pape campsore et Iohanne Bobonis consobrino vestro et Caponigro et Montanino nobilibus mercatoribus Romanis et Senensibus ducentas marchas boni et fini argenti Venetianorum grossorum ad pondus Colonie silicet^a) VIII sollidis et uno denario et dimidio Venetianorum bonorum et legalium pro marcha qualibet computatis ita, quod singule libre Venetianorum valeant VII libras et tres sollidos^a) bonorum, prout et si plus valuerit vestrum sit, si vero minus valuerit nomine ipsius archiepiscopi totum adinplere promitto. De quibus omnibus pretaxatis ducentis marchis predicto modo et numero computatis me nomine ipsius archiepiscopi et archiepiscopatus ipsius bene quietum voco et integre pacatum protestor exceptioni non numerate et non solute pecunie renuntiando. Quas pretaxatas ducentas marchas^a) predicti argenti eodem modo et numero computandas vobis vel uni vestrum aut certo nuntio vestro, qui presens publicum instrumentum et litteras dicti archiepiscopi de mutuo contrahendo resignaverit, a proximis kalendis aprilis usque ad annum unum in eisdem kalendis aprilis aput Bononiam promitto per stipulationem procuratorio nomine predicti archiepiscopi et ecclesie sue plene ac integre redditur(um). Quod si predictis loco et termino pretaxata summa pecunie vobis, ut dictum est, integre soluta non fuerit, extunc inantea per singulos duos menses promitto vobis pro dampnorum et interesse recompensatione persolvere pro singulis decem marchis predictis unam marcham et expensas unius mercatoris cum equo et serviente ubicumque fuerint mercatores usque ad plenariam solutionem. Quam recompensationem dampnorum et interesse ac etiam expensarum promitto nomine archiepiscopi vobis in sortem dicti debiti nullatenus computare ac non detinere predictum debitum sub pretextu recompensationis predicte ultra terminum prelibatam. Pro quibus omnibus observandis predictum archiepiscopum et successores suos procuratorio nomine vobis constituo principales debitores omnia bona archiepiscopalia redditus et proventus ipsius archiepiscopi vobis propter hoc specialiter usque ad solutionem plenariam obligando renuntians in his omnibus nomine ipsius archiepiscopi omni iuris auxilio canonici et civilis consuetudini et statuto privilegio clericatus et fori constitutioni de duabus dietis edita in concilio generali et omni appellationi exceptioni ac rei possent obici contra hoc instrumentum vel factum. In cuius itaque rei providentiam et certitudinem pleniorem presens iustrumentum nostri sigilli munimine fecimus roborari. Actum Reate, coram his testibus ad hoc specialiter vocatis et rogatis scilicet||
Marcoaldo magistro decretorum Bononie,||
Euerardo plebano de Uelsiberch,||
magistro Vlscalco cappellano domini archiepiscopi,||
magistro Corrado cappellano eiusdem domini archiepiscopi,||
domino Simone Anagnino,||
Girardo Bononie,||
Nicolao Nasarello Romano cive. ||
SN. Ego Romanus Iohannis Romuli sacri Romani imperii scriniarii||
utriusque partis consensu scripsi et conplevi rogatus.||
S.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 420-421.