++ In nomine domini amen ++. Eberhardus dei gratia archiepiscopus Salzpurgensis, a(postolice) s(edis) l(egatus), om[nib]us hoc scriptum inspecturis salutem in domino. Notum sit omnibus Christi fidelibus presentibus et futuris, quod dominus Otto de Chungesperch in domo Iohannis Povzanich infirmitate oppressus ibidem per dies aliquos est detentus, a quo mutuavit expensarum necessaria diversarum, ita quod ad centum et quinquaginta marcas est summa pecunie computata, pro qua feudum situm Schalchendorf et apud Grobz, quod a nobis habet, dicto Iohanni et suis heredibus obligavit, petens unâ cum Iohanne, ut id per manus nostras stabile teneretur. Unde ne dictum factum possit ab aliquo revocari, nos eorum petitionibus condescendimus^a) ordinatum factum sigilli nostri munimine roborantes. Huius rei testes sunt: dominus Fridericus canonicus Salzpurgensis, decanus Frisacensis, dominus Waltherus canonicus Frisacensis, dominus Hermannus cappellanus, magister Heinricus de Lovgingen, dominus Gotscalcus notarius, dominus Eberhardus de Sconenstain, Heinricus Raspe, Haertnidus de Libniz, dominus Engelbertus Pu/oze, dominus Vlricus de Waeilern, dominus Arnoldus de Nideke, dominus Gotschalcus, dominus Heinricus, dominus Chunradus de Vriddorf, dominus Hermannus Lugli, dominus Gundacherus de Chungesperch, Guntherus iudex Frisacensis, dominus Heinricus filius Walchuni, Hermannus Murro, Engelbertus Maenli et frater suus Gotpoldus, Chunzo filius smelzarii, Heinricus speculum, Pernhardus Suzo, et alii quam plures.||
Acta sunt hec anno ab incarnatione domini M°CC°XXX°VI°, V° kal. marcii.||
S.^b)

Source Fulltext: Salzburger Urkundenbuch, III. Band. Urkunden von 1200 bis 1246. Willibald Hauthaler und Franz Martin. S. 465-466.