+ ++ Eberhardus dei gratia Salzburgensis archiepiscopus, apostolice sedis legatus, universis Christi fidelibus imperpetuum. ++ Noverit karitas^a) vestra, quod, cum nos iam pridem ob favorem religionis domus de Salem pro remedio anime nostre^b) ac pro salute totius ecclesie^c) nostre fratribus eiusdem loci ius salinandi in nostra salina, que^d) Hallinum vulgo dicitur, dedissemus et eandem donationem de consensu capituli nostri et ministerialium nostrorum tam nostro quam ecclesie nostre privilegio¹⁾ omnimodis roborassemus eodemque iure multis annis usi fuissent fratres memorati et, ut vulgariter loquamur, in dimidio lebete in salina coxissent, canonici Salzburgensis ecclesie postulabant a fratribus de Salem, quibus longa karitate devincti fuerunt, quatinus, si noster consensus accederet, ius coquendi cum ipsis in suo lebete, id est in reliqua lebetis medietate, ipsis concederent, ita ut in eodem salinandi opere communis^e) esset^f) et utilitas et expensa. Cui petitioni tum pro mutue karitatis affectu tum pro reverentia capituli Salzburgensis fratres de Salem benivolum prebuerunt assensum.²⁾ Nos quoque illi mutue^g) dilectioni congratulantes nostre conniventie favorem adhibuimus et utrique parti, videlicet nostris canonicis et de Salem fratribus, ius communiter et continue coquendi in ealem patella integra perpetuo confirmavimus, illud quoque iuris eis concedentes, ut succisis nemoribus patelle ipsorum deputatis sive deputandis nulli liceat fundum eorundem nemorum excolere vel pasture animalium usurpare, ut ligna in eisdem fundis possint recrescere. Nemini autem hanc paginam lecturo sive audituro incongruum videatur, quod sepedictis fratribus de Salem istud ius salinandi cum consensu canonicorum ac ministerialium ecclesie^h) nostre contulimus. Anno verbi incarnati M0CC°II° monasterium enim de Salem cum suo fundo de consensu et auctoritate generalis capituli Cysterciensisⁱ⁾ traditum est ecclesie^h) Salzburgensi et mortuo iam pridem eiusdem monasterii fundatore suisque successoribus in patronam ac fundatricem auctoritate ordinis Cysterciensis Salzburgensis constituta est ecclesia.||
Datum apud Salzburch, anno dominice incarnationis M°CC°XXX°VII°, [XVII^a kal. novembris.]^k)||
S. ^l)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 485-486.