Urbanus episcopus servus servorum dei venerabili fratri . . episcopo Pataviensi salutem et apostolicam benedictionem. Petitio dilectorum filiorum . . prepositi et capituli ecclesie Salceburgensis [“französisches Häkchen” am “c”] ordinis sancti Augustini nobis exhibita continebat, quod nonnulli clerici et laici Salseburgensis civitatis et diocesis ac provincie propter favorem et auxilium impensum Philippo quondam Salceburgensi electo latara in tales auctoritate apostolice sedis excommunicationis sentenciam incurrerunt et a sententia huiusmodi, quam per plures annos sustinuerunt, animo indurato absolutionis beneficio non obtento diem clauserunt extremum nullis signis penitentie apparentibus in eisdem, quorum corpora in cimiteriis ecclesiasticis sunt sepulta. Quare dicti prepositus et capitulum nobis humiliter supplicarunt, ut providere super hoc paterna sollicitudine curaremus. Quo circa fraternitati tue per apostolica scripta mandamus, quatinus, si tibi constiterit ita esse, corpora talium, si a corporibus fidelium discerni poterunt, facias exhumari, contradictores per censuram ecclesiasticam appellatione postposita compescendo, non obstante si aliquibus a predicta sede indultum existat, quod interdici suspendi vel exeommunicari non possint, per litteras apostolicas, que de indulto huiusmodi plenam et expressam non fecerint mentionem, sive qualibet alia ipsius sedis indulgentia, per quam effectus presentium impediri valeat vel differri. Datum apud Vrbemveterem, II idus iulii, pontificatus nostri anno tertio.^a)||
B.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 46.