Nos Fridricus dei gracia sancte Salzburgensis ecclesie electus apostolice sedis legatus universorum noticie declaramus, quod veriiens coram nobis Gotscalcus vicedominus noster proposuit, quod subscripta bona iuste et racionabiliter acquisita a nobis et ab ecclesia nostra iure feudi in possessione haberet pacifica et quieta preter alia predia, de quibus non est opus quoad propositum presencium fieri mencionem. Hoc est in dem Glemme redditus caseorum quingentorum, item in Elmow sexcentorum caseorum redditus et hec cum quesitis et inquirendis, item apud Niwenuels molendinum dictum Knochmul, item super Heuperch in loco, qui Gru/ob dicitur, redditus reddentes libram denariorum, item super eundem montem apud Schreiær et in dem Reut duas hu/obas solventes solidos denariorum quinque, item sub Nochstain apud Gukkental redditus libre dimidie, item in moneta Salzburgensi redditus librarum trium. Igitur quia idem Gotschalcus predicta predia in nominibus et redditibus conputata petivit instanter uxori sue domine Elyzabeth, quam duxit, cum omni integritate iuris, qua ad se pertinebant, conferri, nos propter fidelitatis sue merita precibus suis evicti de gracia pocius quam de iure conferimus predicte domine Elyzabet omnia prenominata bona et singula cum integritate iurium et reddituum eorundem titulo feodali, sicut ea dominus Gots(chalcus) iuste et racionabiliter acquisita^a) possidet et possedit. In huius collacionis testimonium et cautelam presentem litteram sigilli nostri conmunitam karactere similiter sibi dantes. Dat. Salzburg(e) II kal. iulii anno domini millesimo ducentesimo septuagesimo secundo; feliciter amen.||
S.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 74.