C. In nomine sanctae et individue trinitatis. Arnolfus divina favente gratia rex. Comperiat cunctorum fidelium Christi generalitas, qualiter fidelis nosteri Aspertus vene rabilis cancellarius scilicet et Salomon cappellanus noster deprecati sunt nostram celsitudinem, ut cuidam clerico Piligrim vocatur quasdam res iuris nostri in proprium concederemus, quorum petitioni libenter annuentes ita fieri decrevimus. Dedimus vero ei in pago, qui dicitur Cilarestale in comitatibus Engilperti et Iezonis comitum nostrorum quicquid Ysangrim ibidem in beneficium habere visus est iure perenni in proprietatem atque^a) concessimus cum curtilibus et aedifitiis mancipiis campis agris pratis pascuis silvis montibus scilicet atque alppis venationibus <forestibus>^b) aquis aquarumque decursibus molinis piscationibus viis et inviis exitibus ac reditibus, quaesitis et inquirendis, cultis et incultis, mobilibus et inmobilibus et cum universis ad eadem beneficia seu ad easdem res iure vel legitime pertinentibus. Et iussimus ei inde hoc praesens auctoritatis nostrae preceptum conscribi firmissime regali imperio praecipientes, ut memoratus Piligrim de his omnibus rebus^c), quae ei de nostro iure in ius et dominium contulimus atque tradidimus, ab hodierna die ac deinceps omni tempore liberam securamque habeat potestatem tenendi donandi vendendi commutandi vel quicquid exinde voluerit faciendi absque ullius impedimento. Et ut haec auctoritas nostra firmior habeatur et per futura tempora a fidelibus nostris verius credatur ac diligentius observetur, manu nostra eam firmavimus anuloque nostro sigillari iussimus.||
Signum domni Arnolfi (M) invictissimi regis. ||
Aspertus cancellarius ad vicem Deotmari archicappellani recognovi et SR.||
Data III non. octobr., anno incarnationis domini DCCCLXXXVIIII, indict. VII, anno II regni Arnolfi piissimi regis; actum in villa Uuolfdeoza nominata; in dei nomine feliciter amen.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S 55-56.