Adelbertus comes de Bogin obligavit domino Adelberto Salzburgensi archiepiscopo castrum Gurkeuelt cum tota dominicatura illa pro septingentis marcis examinati argenti in pondere datis Gozwini Ratisponensis monetarii hoc tenore, quod si a natali Domini infra duos annos redemptum non fuerit, dominus archiepiscopus eliget quinque viros discretos bona fide sine omni condicione, sine malo ingenio, et dominus comes quinque bona fide sine omni condicione interposita sine malo ingenio, qui omnes iurabunt, quod neutrius favore bona fide deliberent, quod dominus archiepiscopus domino comiti supererogare debeat, quod totum illud patrimonium in proprietatem transeat ecclesie. Verum si omnes decem in hoc concordare nequiverint, suspecti semper removeantur usque ad duos. Quodsi et illi duo tandem concordare^a) nequiverint, totum illud patrimonium sit obligatum ecclesie pro octingentis marcis examinati argenti. Interea vero castrum erit in potestate domini archiepiscopi, ita quod iuraverunt ei castellani, et patebit ei castrum omni tempore, nec aliquis recipietur in castrum contra voluntatem domini archiepiscopi usque ad diffinitum tempus, usufructus autem presentis anni et duorum annorum, qui secuntur usque ad prefinitum tempus erunt in potestate comitis. Et si die prefixa comes illam summam pecunie nec persolverit nec mediatores illam causam diffinierint, tunc pro usufructu preteriti temporis, quem estimavimus centum et octoginta marcarum erit, idem predium obligatum et sic semper a natali in natale domini omnes usufructus erunt in potestate domini archiepiscopi, et mutabit castellanos et officiales pro suo arbitrio. Nec erunt in potestate domini archiepiscopi aliquid de illa summa pecunie relaxare, vel inminuere cuiusquam persone intuitu, sed post diffinitum diem habeat comes vel eius heredes liberam potestatem redimendi idem patrimonium pro octingentis marcis examinati argenti, et centum octoginta marcis Frisacensis monete preter usufructum illius anni, verum si ante diem determinatum comes vel eius heredes redimere voluerint, dabunt ecclesie septingentas marcas examinati argenti. Item dominus comes ab hac die in antea non habebit potestatem aliquid de illa dominicatura infeudandi vel obligandi antequam redimatur. Item dominus archiepiscopus securitatem prestitit domino comiti per ecclesie fideles, quod hec inpermutata maneant sub eo et sub suo successore, qui legitime et cum gracia imperii intraverit. Comes quoque securitatem prestitit ecclesie per suos fideles, quod bona fide apud heredes suos hec maneant inconvulsa et inmutata. Actum Frisaci, anno M^oC^oLXXX^oVIIII^o, in festo beati Iacobi, in presencia domini Ditrici Gurcensis episcopi, Pilgrini abbatis sancti Pauli, Hertnidi Gurcensis prepositi, Meginhalmi Frisacensis decani et archidiaconi, Hermanni archidiaconi de Ortinburc, Ortliebi archidiaconi de Uiscaha, Eckehardi prepositi de Solio; in presentia nobilium: Vlrici comitis de Huninburc, Popponis de Albecka, Vlrici de Pecah, Wichardi de Karlisberc, Eberhardi de Tra, Berchtoldi de Salecka. Interfuerunt etiam de ministerialibus ecclesie Salzburgensis: F[rid]ericus de Petowa, Heinricus de Frisaco, Rehwinus et Reginboto de Schellinberc, Pabo et Cunradus et Heinricus de Iune, Cuno de Weruin, Heinricus de Gebinningin, Vlricus et frater eius Cunradus de Kalheim, Wolframus et Dietmarus de Herfoldisheim, Otto Heinricus Albertus de Libinze, Otto de Lonisberc, Heinricus de Ueldisberc, Ernist et Sigemarus de Bilstein, VIscalc[us] et filius eius de Rabinsberc, Berchtoldus et Craft de Motinze, Alexander Hertwicus Otto Arnoldus Engilscalcus et filii eius Reginherus et Engilscalcus de Strazburc. Aderant quoque de Styrensibus: Hertnidus et Herrandus, Lemfridus, Suicgerus, Heinricus de Truchsine et filii eius Colo et Gotefridus, Richerus de Marburc et filius eius Richerus, Lupolt de Leumbach, Albero et frater eius Heinricus de Dunkinstein, Offo et frater eius W.^b) de Tufinbach, Otto et frater eius Ortolfus de Lubin; ministeriales de Pogin: Bernhardus, Alramus et frater eius Gisilbertus de Gurniz, Pero de Kinburch, Rudolfus castellanus de Riuinze, Ortolfus de Gurkeuelde et alii quam plures. ||
b) Eodem anno Patauie proxima die post festivitatem sancti Bartholomei confirmata est convencio predicta coram subscriptis testibus. Uxor prefati comitis ibidem posita confessa est, bona illa nec sibi nec libris suis a comite umquam fuisse collata. Ipse comes iuravit, se eadem bona potenti manu archiepiscopo inpignerare. Ministeriales ecclesie quam plures dederunt fidem, ut si forte ille episcopus decederet, ipsi bona fide commonerent archiepiscopum succedentem, ut staret eidem pacto et adiuvarent, ut comiti vel heredibus suis daretur copia solvendi si vellent. Interfuerunt hii: prepositus Salzburgensis Gundakarus et Adilhardus prepositus de Ranishouin, Rapoto comes de Ortinberc, Lupoldus comes de Plaien, Pabo de Eringin, Pabo de Zollingin, Walcunus Alramus fratres de Kambe, Ditricus et Heinricus fratres de Pongartin, Cunradus de Rote, Wernherus de Griezbach, Hadimar de Ahusin, Gotescalcus et Berchtoldus fratres de Heninchouin, Harpertus de Aheim, Sigehart de Ebirsbunde, Gerhohus de Vramelinsperge, Berchtoldus de Menna, Hugo de Sunbrehtisdorf; ministeriales ecclesie Salzburgensis: Mengotus castellanus, Lupoldus de Walde et filii eius Lupoldus et Heinricus, Rudegerus et Gerhohus fratres, Eckehart de Tanne, Cunradus de Grabinstat ceterique quam plures supra memorati.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 631-633