In nomine sancte et individue trinitatis. Phillippus^a) dei gracia ecclesie Salzburgensis electus apostolice sedis legatus universis presentem paginam inspecturis salutem in domino. Ut eventus rerum gestarum mediante aliquo amminiculo mentibus hominum commendetur, illud humani sensus fragilitas exigit et requirit. Hoc igitur scripto notum facimus tam presentibus quam futuris, quod moti fidelitatis constancia, qua progenitores Ottonis et Chunradi nobilium comitum de Plaien frequenter adheserunt ecclesie Salzburgensi, ipsis fratribus omnia feuda extra montes sita a fluvio Lammer ex una parte et citra turrim Louer pro parte altera, que patruus eorum comes Leutoldus de Plaien clare memorie in Marchie, Austrie et Bawarie partibus infeudata et non infeudata a nostra tenuit ecclesia, preterquam iudicia et advocacias in nostris possessionibus et Lovfense similiter civitate, contulimus iure feudi ipsis nichilominus redditus trigiuta librarum quantocius nobis vacare ceperint extra montes, conferre et dare libras trecentas monete Salzburgensis. Promittentes dicti vero fratres sincerum affectum, quem in tanti feudi collacione ipsis gessimus attendentes nobis nostrisque successoribus contra omnem hominem pro ipsorum viribus atque posse iurati ad sacrosancta fidelibus obsequiis assistere quamdiu vixerint promiserunt, ita eciam, quod alter eorum assidue circa nos residenciam habeat aput Plaien, nisi forte adeo arduum negocium sive prelium emerserit, super quo amborum presencia necessaria habeatur. Ut autem promissa huiusmodi ex parte ipsorum inviolabiliter observentur, proinde omnia feuda predicta cum aliis feudis, que ab ecclesia hactenus possederunt necnon castra eorum in Bawarie partibus proprietates eciam et homines nobis taliter obligarunt, ut si alique temere violaverint ex premissis et super hoc evicti fuerint iusticia mediante, extunc omnia predicta in proprietatem et dominium transeant ecclesie Salzburgensis nec ulterius ipsorum homines aliqualiter iure fidelitatis ad eos respectum habere tenebuntur, sed ad ecclesiam Salzburgensem, sicut hoc ipsum iurati similiter promiserunt. Et si dictos comites liberos habere contigerit tempore procedente, qui forte teneri nollent comitum promissis ex obligacionibus prenotatis, extunc feuda prefata ad Salzburgensem ecclesiam libere revertantur. Nos eciam viceversa in nostram graciam recepimus prefatos comites tali forma, ut ipsos eorumque homines et possessiones ab iniuriantibus eisdem tamquam nos et nostros defendere tenemur, ubi necesse fuerit msticiam in partibus Bawarie requirendo violencium eis iniuriancium bona fide nichilominus reprimentes non tamen bellum aliquod inchoabunt nobis nostrisque fidelibus subscriptis, si in partibus Bawarie non fuerimus, inconsultis. Ut igitur dictis comitibus promissa huiusmodi firma in omnibus observemus, illud promisimus fide data dominus Gerhous de Radecke in nostram iurans animam nos fidem talem per singula servaturos. Ad hec ministeriales ecclesie nostre Gerochus^a) de Radecke, Vlricus de Chalheim, Chunradus de Goldecke, Eckehardus de Thanne, Gebhardus de Velwen, Otto de Gutrad^a), Marquardus de Perchheim, Chuno de Torringen, Siboto de Thetleem^a) iurati similiter promiserunt, quod cum nos abesse contingeret a Bawarie partibus, prefatis comitibus, si ipsis necessitas incubuerit, astabunt auxilio et consilio loco nostri, ita eciam, quod quicumque ipsorum sepedictis comitibus necessitatis tempore consilio et auxilio non adesset, Salzburgensem intrare civitatem protinus teneatur inde nullatenus exiturus preterquam in die tantummodo quoadusque comitibus de illatis dampnis illo tempore per nos fuerit satisfactum. Si vero in partibus Bawarie fuerimus constituti et memoratis comitibus invocata subtraxerimus auxilia, predicti miuisteriales vocati promissa nichilominus exequentur; qui autem neglexerit, pene supradicte subiacebit, nisi legittimum ei obstiterit impedimeutum, quo tamen quiescente ad prelibata erit plenius obligatua. Et si aliquos ex prenominatis decedere contingeret, alios quos voluerint loco ipsoruin eligent comites memorati. Ceterum presenti littera protestamur, quod si fortassis successor noster promissa et obligaciones per nos faetas comitibus sepedictis prout superius est expressum, ratas habere contradiceret, comites eorumque liberi, si quos habuerint, erunt vice versa promissis suis et obligacionibus absoluti, feudum predictum eis nichilominus remanendo. De advocacia vero possessionum monasterii sancti Petri in Salzburch, quam eisdem comitibus inter cetera feuda contulimus, taliter per ipsos comites est promissum, quod eadem uti debeant iure debito et consueto nec eciam de novo quiequam de ipsa in feudum alicui conferent feuda a vasallis vacancia pro eis similiter conservantes, Precipient insuper illis, qui feuda antiqua ab ipsis reeipient, ut nullas exactiones in advocacias faciant tempore procedente. Ne igitur super predictis in posterum aliquod dubium valeat exoriri, in evidens testimonium et cautelam sigillo nostro hanc fecimus paginam consignari, cui eciam Chunradus venerabilis episcopus Frisingensis nec non capitulum nostrum pro evidenciori testimonio sigilla eorum similiter appenderunt. Testes huius rei sunt: Otto prepositus maioris ecclesie, Richerus abbas sancti Petri, Gregorius et Henricus canonici, magister Henricus notarius, — Gerhous de Radecke, Vlricus de Calheim, Chunradus de Goldecke, Eckehardus de Tanne, Gebhardus de Velwen, Otto de Gutrat, Marquardus de Percheim, Chuno de Torringen, Siboto de Tetelheim, — Pabo uz dem Reuth, Chunradus de Teusenberch, Fridericus Scharsach, Henricus de Karlstein, Chunradus de Pyding, Wilhalmus, Petrus, Chunradus fratres de Staufenecke, — Ysingrimus, Chunradus Thisinger, Walkunus cives. Actum Salzburge apud sanctum Petrum anno domini M°CC° quinquagesimo, kal. may, indictione octava.||
SD.^b) SD.

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 11-13.