Adolfus dei gracia Romanorum rex semper augustus omnibus in perpetuum. Hec est vere regalis potestas, ut gesta acta et contractus inter homines, si sint sui natura valida sua tamen possit auctoritatis interposicione validiora constituere et si sint invalida seu etciam^a) nulla eorundem supplendo defectum eis plenum esse et roboris augmentum sue confirmacionis munificencia valeat inpertiri. Sane illustris Otto comes palatinus Reni et dux Bawarie princeps noster karissimus contractum quendam inter ipsum et illustrem Stephanum germanum suum ex una et venerabilem Chunradum Salzburgensem archiepiscopum nostrum principem dilectum ac honorabilem suam ecclesiam ex parte altera iusto motu ac pio zelo initum nostre obtulit maiestati petens attente, quatenus eundem contractum de solita benignitatis clemencia quantum melius et plenius possemus ad tollendum omnis deffectus^a) seu inpedimenti obstaculum si quod esse possit nostra dignaretur serenitas ex certa sciencia plenissime confirmare. Cuius contractus de verbo ad verbum tenor sic iacet: Nos Otto et Stephanus = n° 193 = VI idus marcii. Nos itaque venerabilium ecclesiarum digne faventes profectibus ac promoti diligenti precum instancia prefati ducis Ottonis, cuius fidei experta puritas et indefessa obsequia pro suo beneplacito regiam mentem ducunt, si quid in prenotato contractu nullitatis defectus inbecillitatis seu dubii est vel esse posset nostre celsitudinis auctoritate radicitus tollimus eundem contractum et quidquid in eo est ad suum plenum esse robur ex certa scientia regaliter confirmantes. Actum anno domini M°CC° nonagesimo septimo, indiccione decima, VIII° kalend. augusti, regni vero nostri anno sexto.||
SD.

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 233-234.