Nos Ekhardus dei gracia abbas ecclesie Admontensis confitemur et constare cupimus universis presentes litteras inspecturis, quod cum reverendus in Christo pater et dominus noster dominus Fridericus sancte Saltzburgensis ecclesie archiepiscopus, apostolice sedis legatus, ad laudem dei et consolationem pauperum ac egenorum erigere et fundare intenderet hospitale in civitate sua Saltzburgensi, pro cuius fundatione sive erectione¹⁾ sibi apta et habilis videbatur area ecclesie nostre sita in angulo post cappellam sancti Blasii civitatis sue supradicte ad portam, que respicit ad occidentem, que nobis ac monasterio nostro modice utilitatis existebat eo quod edificiis illius incendio et vetustate consumptis nec inhabitari poterat nec pro pensione locari, premisso diligenti tractatu cum Perchtoldo priore totoque conventu ecclesie nostre de communi consensu et unanimi voluntate eorum permutationem fecimus infrascriptam. Dedimus siquidem tradidimus et assignavimus ex causa permutationis reverendo in Christo patri domino Friderico venerabili sancte Salzburgensis ecclesie archiepiscopo, apostolice sedis legato, recipienti vice et nomine ecclesie sue antedicte ad opus et fundationem hospitalis memorati aream ecclesie nostre supradietam sitam apud cappellam sancti Blasii cum curticulis et hortis ad eam spectantibus ad habendum tenendum et possidendum cum omni iure et actione usu seu requisitione nobis ex eadem area vel ipsi aree modo aliquo pertinente. Ipse quoque dominus archiepiscopus vice et nomine suo ac capituli sui dedit tradidit et assignavit simili per omnia modo nobis recipientibus nostro et ecclesie nostre nomine duas domos contiguas unam muratam et aliam lingneam sitas in vico, qui dicitur an der porten, quas olim possidebat nobilis vir Chu/ono de Gu/otrad²⁾, quarum hii sunt fines: ad orientem est ea, que vocatur domus Salserinne, ad meridiem platea publica, ad occidentem domus parva Chunradi New/eenhouarii, ad aquilonem murus civitatis. Dedimus etiam domino nostro archiepiscopo supranominato licentiam omnimodam recipiendi propria auctoritate possessionem dicte aree et promisimus nostro et conventus nostri nomine illam sibi suisque successoribus ab omni homine legittime defendere auctorizare et expedire, sicut et ipse nobis et ecclesie nostre promisit de domibus, quas nobis in cambium dedit, ut premittitur, viceversa. In quorum omnium testimonium et certitudinem pleniorem presentes fecimus fieri litteras nostro et conventus nostri predicti sigillorum appensione munitas. Datum Admonti undecimo kalend. octobr. anno domini millesimo trecentesimo vicesimo septimo.||
S.^a) S.^b)

Source Fulltext: Salzburger Urkundenbuch, IV. Band, Urkunden von 1247-1343. Franz Martin. S. 376-377.