Ich Percht die Meisterinne Ton Pernekke, vnd ich Areie die priorinne vnd alle vnser samnvnge veriehen vnd tvn chvnt an disem prieve allen den, di in lesent oder horent lesen daz vns drev phvnt gvlt, di da ligent ze nidern Neleben wrden vns gegeben zr einer Iuncfrowen, di hiez Geisel, daz ir rechtez aigen was, vnd auch vns geben wart fvr rechtez vnd vreies aigen, di selben vorgenanten drev phvnt gvlt, di chauft von vns her Vlreich der Grvnpeche vnd gab si den vrowen zu sent Pernhart mit dem recht als wir si heten gehabet vnd geben disen prief mit vnserm insigel zv einem vrchvnde vnd sagen daz gemeincleichen pei vnser gehorsam, daz vns daz chvnt vnd gewizen ist, daz dez mer den ainz vnd dreizich iar vnd ein tag ist, daz wier di vorgenanten drev phvnt gvlt, vnd der Grvnpech vnd die vrowen von sent Pernhart in rechter gewer gehabt haben an alle ansprach.

Source Fulltext: ZEIBIG, Stiftungsbuch (=FRA II/6, Wien 1853) S. 201-202