Abt Leonard von St. Paul erklärt, dass er und Heinrich von Traberg einen Vergleich schlossen, ,mediantibus domino Chunrado quondam abbate eiusdem ecclesie. fratre dominorum et fratrum de truchsen. et domino Pertholdo archidiacono villacensi. super articulis et questionibus de quibus ego Leonardus abbas memoratum heinricum inpetebam. videlicet super uilla schirruich¹ quam idem heinricus dicebat in proprietatem emisse patrem suum ottonem. et super aduocatia Remsnich.² super catmijs in suabekke³ siue iure argenti fodinarum et decimis earundem. per medium diuidendis. que dominus Heinricus eodem die sibi secundum ius ciuile confirmauit suo sacramento. Insuper pro tercia parte mute in traberch, quod ius debebat redimere pater dicti heinricj pro marcis. L. de quibus non soluit nisi. VI. Super aduocatia Cecacen. quam dimisit pro se et pro suis heredibus retinendo sine usu defensionem. et quod ipse et parentela sua ibidem deberent sepeliri. E conuerso dictus Heinricus contra abbatem et ecclesiam proponebat quod ab hominibus ipsius contra iusticiam thelonium exigeret in volchenmarcht. et quod homines suos in ipso foro residentes, absque seruicio sibi debito detineret. et pro pellicio uno quod sibi de claustro annuatim debebat amministrare. et quod dedisset duci Carinthie montem in quo castrum volchenmarcht edificauit.⁴ per quod dixit se iure aduocatie ibidem esse priuatum. et quod uendidisset ius aduocatie jn tripsach sine consensu ipsius. Iste questiones sic decise sunt uoluntate parcium. ita quod dominus heinricus sepe dictus uillam schirruich quam proprietarie dicebat se possidere accepit in feudum. cathimiarum ius medium. et decimarum earundem. quas obtinuit. abbas sine lite dimisit. et ius quod habebat abbas Traberch in muta dimisit. excepto quod ad cellarium et specialem usum conuentus portatur. transeat sine muta. Sed et sub hac forma composicionis ad sopiendam litem in posterum dominus heinricus cessit iuri Thelonei in volchenmarht, ita quod homines sui ibidem debent debitum theloneum soluere. pellicium dimisit. iuri aduocatie in toto etiam cessit. preter meram defensionem sine utilitate. Ceterum promisit quod ipse. parentela. et homines sui honestiores ad sanctum paulum debeant sepeliri. Sed et uendicionem uille Tripsach ratam habet, retento apud eum quod ipsam emit iure aduocatie. Insuper debet ecclesie sancti Pauli assignare mutam in traberch pro. C. et IIIIor. Marcis jn instanti festo sancti Jacobi. Et hoc ut perficiatur fide data promisit et iurauit illam fidem seruare vna cum castellanis suis. vlrico de Traberch. Perengero. Weriando et Chunrado. Quod si in aduocatia Kemsnich uel aliquo predictorum offenderit uiolando fidem et sacramentum. ius feudale et proprietas uille et ius quod habebat jn muta Thraberch. et ius montale et decime earundem. sine omni contradictione reuertantur in usus ecclesie sanctj Pauli, verum ne altera parcium huic diffinicioni pariterque pactioni ausu temerario ualeat contraire. ad habundanciorem cautelam sigillis conventus. Abbatis. vicedomini de Greze.⁵ Domini heinrici sepe memorati. fecimus roborarj. Addito amminiculo testium sequencium. auctoritatis non parue. Huius rei testes sunt. dominus Chunradus abbas senior.⁶ Dns Liutoldus. Dns Hermannus. Dns Eberhardus. Domini conuentus. Dns volmarus. Dns Sigehardus. Milites de Lauent. vicedominus de Grece. Dns Heinricus de Grece. Dns Vlricus de Waldekke. Dns heinricus de Tinach.⁷ Dns vlricus de vecewin. Dns Otto de Grece. Dns vlricus de Traheim. Dns vlricus de Thraberhc. Dns Chunradus de hunstorf. Dns Perengerus. Dns Chunradus bauwarus. Dns weriandus. Dns Gotefridus. et alij quam plures. $$Acta sunt hec apud Traberhc jn capite Jeiunij. Anno domini. M^o.CC^o.XXXVIIII. IIII^to Idus Februarii. Indictione XII^a. Epacta, XIIII^a. feliciter. Amen. 

Original dating clause: IIII^to Idus Februarii

Language: Latein

Notes: