In nomine iesu Christi Amen. Ex innata nobis nobilitatis mansuetudine tenemur decorem domus domini ampliare nec non cultum ipsius prerogatiuis adornare. nouerint igitur uniuersi presentium inspectores quod nos Berenhardus dei gratia dux Karinthie prouocati feruore dilectionis felicissime recordationis predecessorum Illuftrium ducum quondam Karinthie vestigiisque ipsorum inherere cupientes in remedium animarum suarum grauamina et incommoda decreuimus relaxanda Monasterio sancti Pauli Vallis Lauentine in quo quidem ossa eorum ac meorum progenitorum dulciter in domino requiescunt qui et dictum Monasterium plene libertatis priuilegio donauerunt. nosque eorum facta continuatis augmentis generose prosequendo prefatum Monasterium vna cum foro sub eodem et hominibus terreque possessionibus ac bonis mobilibus et inmobilibus quocumque nomine censeantur etiam non solum per Vallem Lauentinam antedietam immo verius per nostrarum terrarum districtus vbicumque fore sita dinoscuntur, a cuiuslibet Judicis Officialis exactoris procuratoris preconis infestatione inpungnatione exactione cum uniuersis iuribus et pertinentiis tam iudicialibus quam provincialibus terre Karinthie vallisque Lauentine liberum inmune habere perpetuo volumus et exemptum taliter quod nullus predictorum ac aliorum precarias aut violentia quicquam de cetero cum hominibus et bonis memorate Ecclesie habeat ordinare, excepto quod si quis in ipsis residens mortis iudicium legittime promeruerit, idem nudus cingulo accinctus nostro iudicio assignetur ipsius dampnati rebus plene remanentibus Ecclesie memorate; sed alii casus cause et excessus qui emerserint per iudices et officiales domini abbatis dicti Monasterii decidantur, prout eis visum fuerit iustum expediens et consultum, addicientes et volentes, quod eque per omnia specialiter inhabitatores et cultores fori sancti Pauli eo iure iudicio libertateque fruantur et gaudeant quo forenses Beati Laurentij . .¹ re Stirie vti assolent et gaudent. In cuius rei testimonio nostrum sigillum presentibus duximus appendendum. $$Testes sunt Comes Heinricus de Hevnburg. Levtoldus plebanus de Chreig. Heinricus. Duringhardus sacerdotes et Capellani nostre curie. Vlricus de Truchsen. Guntherus de Chinwerch. Cholo de Saldenhouen. Haydenricus de Rechperch. Fridericus iudex de Pliburch. Johannes iudex Volchenmarcht. Tosmanus Ciuis de Volchenmarcht. Muroldus Thelonarius de Volchenmarcht et Chunradus procurator Ecclesie sancti Pauli et alii quam plures. Cui tractatui Ego Perchtoldus Canonicus Frisacensis interfui quem et scripsi in Castro Volchenmarcht feliciter Amen. $$Acta sunt hec anno gratie M^oCC^oLV^o Indictione VIII^a2 XI^o Kalendas Octobris Tempore Levtoldi Abbatis sancti Pauli etc.

Source Fulltext: SCHROLL, Urkundenbuch St. Paul (= FRA II/39, Wien 1876) S. 144-145