Hermann der Muttel bezeugt, dass Abt Ulrich von St. Paul dem Eberhard von Kolnitz nach dem Ausspruche der Lehensmannen für den Hof Gurzhaim nichts mehr schuldig sei.Ich Hermann der Muttel¹ vergich mit dem brif, daz ich hewt daz recht besezzen han ze sand Pauls im Lauental an stat des erwirdigen herren abbt Vlreichs doselbs nach lawtt des durhleuchtigen hochgeborn fursten herczog Leupolts herczog ze Osterreich etc. vnd nach lawtt des wolgeporn herren hern Hainreichs von Liechtenstain von Nicolspurg hofmaifter brifen von des hofs wegen Gurczhaim des eegenanten abbt Vlreichs lechenschaft vnd darumb derselb abbt Vlreich hern Eberharten dem Kolniczer ain tag als hewt fur sich vnd fur sein lehensmann beschaiden hat, daz er im daz recht widerfaren lassen scholt an aufschüb nach gerichts brif lawtt alz daz erfunden ist von den reten des durhleuchtigen hochgeporn fursten herczog Leupolts vnd nach lawtt des brifs des wolgeborn herren hern Hainreichs von Liechtenstain von Nicolspurg hofmaifter. Darauf kom der vorgenant her Eberhart der Kolniczer mit gericht brifen, der wolt dabey nicht bleiben, was im die lehensmann darumb erfunden vnd erkannt hietten zu dem rechten vnd ist also von dem rechten getreten, da wart im erfunden von den Lehensmannen zu dem rechten: seind her Eberhart der Kolniczer daz recht nicht wolt aufnemen nach des durchleuchtigen hochgeborn fursten herczog Leupolts vnd des wolgeborn herren hern Hainreichs von Liechtenstain briefen die da lawten an auffchub, der vorgenant abbt Vlreich ist dem Kolniczer von des hofs wegen Gurczhaim nichts mer schuldig noch gepunden. Mit vrkunt des brifs versigelt mit meins vorgenanten Hermann des Muttel aigen aufgedruckten insigel.  

Original dating clause: Geben an sand Gregoritag nach Christs gepurd vierczehenhundert iar darnach in dem newnten iar.

Language: Deutsch

Notes: