Kuncz Weiss, Richter zu St. Paul, und seine Frau Vrsula verkaufen dem Abte Johann von St. Paul ,vnnser stuckh, guter vnd kauffrecht: item vnnser hawss, hoff vnd gartten mitsambt ainer hofstat etban des Niclas Weissen; item aber ain haws vnd gartten, etban des Asem Smidts, alles bey einander im marckt zu s. Pauls am Griess neben der Grednitz gelegen, vnd stost oben an die wisen hie vnden vermerckt, so wir vom Convent zu s. Pauls gehabt haben, vnd neben an der Asin Smidin hofstat vnd gartten; item ain pawmgartten im marckt neben des Vlrichs Smidts haws vnd hof gelegen vnd stost vnden an den weg, so neben der Grednicz fur des Paule vnd Simon Pecken hawss inn den marckt geet, vnd oben an des Vlrichs Smidts veldt vnd des Conuents gut, so der Osell inn hat; item ain kauffrecht, so wir vnd vnnser vordern gehabt haben von herrn Johannsen weilent abbte, conuent vnd goczhaws zu s. Pauls auf der wisen vnd ecker obberuertt gelegen neben der Grednicz bey dem obberurtten marckt vnder dem hof am Hardt zbischen baiden wegen auf dem Hardt geendt, vnd stost vndtten an den weir vnd der Asinen Smidin wisen; item ain pewntten mit ir zugehorung etban Hainrich des Swertel, gelegen ob der awn, so zum marckt gehort, vnd stost an den weg, so von Huntsdorff inn den marckt geet; item vier ecker etban des Nickens am Mairhoff, vnd stossen an die yeczgemeltten pewntten vnd an die dicken awn; item ain wisen im Haslach gelegen etban des Niclas an der Vrtail, vnd stost mit dem obern ort an die strassen durch das Ouendl¹ vnd an baiden seitten an des Michel im Haslach hawss vnd veldt, vndtten an des Jorgen am Rain wisen; vnd die stuckh vnd guter obbemelt sein alle gelegen im purckfride zu s. Pauls‘. Sie haben ihnen alle diese Stücke ,mitsambt dem khauffbrief, so wir von dem edlen vnd vesten Andren von Lass vnd seiner hausfrawen gehabt haben‘, aufgegeben und eingeantwortet. 

Original dating clause: Geben 1479 an Pfincztag vor s. Jorgen tag des heil. Martrer.

Language: Deutsch

Notes: