Johannes dei gratia sancte Salczburgensis ecclesie archiepiscopus ac apostolice sedis legatus fratri dilecto nobis in Christo fratri Johanni Hechtel olim abbati monasterii sancti Pauli vallis Lauentine ordinis sancti Benedicti nostre diocesis salutem in domino. Exhibita nobis nuper tua peticio et literis tuis et oratore seu nuncio tuo nobis exposita continebat, quod adeo senio aduersaque valitudine et nonnullis infirmitatibus intrinsecis grauatus existas, quod dicto monasterio in hac graui condicione temporum nec in spiritualibus nec temporalibus vtiliter prout necessitas exigeret, preesse et prodesse possis et idcirco regimini et administracioni abbacie dicti monasterii libere cedere proposueris, supplicarique nobis fecisti quatenus venerabili fratri amico nostro carissimo domino Erhardo episcopo Lauentino admissionem et recepcionem resignacionis dicte abbacie committere dignaremur, vt postea fratres dicti monasterii de vtiliori pastore prelato et abbate ipsi monasterio per viam electionis rite et canonice celebrande prospicere et prouidere possent. Nos itaque supplicationibus tuis ex causis premissis fauorabiliter inclinati, prefato domino Lauentino commisimus, quod si dicte abbacie ultro et sponte tua boneque deliberatus liber ex causis premissis cedere et renunciare volueris, quod tunc resignacionem huismodi hac vice auctoritate nostra admittat et postea dicto conuentui committat, quod solum deum vtilitatem honestatemque dicti monasterii pre oculis habentes eum in eorum abbatem et prelatum eligant, quem credant ipsi monasterio in spiritualibus et temporalibus fore vtiliorem. Vacante itaque abbacia dicti monasterii per tuam liberam resignacionem in manibus dicti domini Lauentini tamquam commissarii nostri speciale mandatum desuper a nobis habentis factam, dilecti nobis in Christo frater Johannes prior totusque conuentus dicti monasterii sancti Pauli ad electionem futuri abbatis procedentes obseruatis solemnitatibus de iure debitis et consuetis dilectum nobis in Christo fratrem Sigismundum Jobftl¹ eiusdem monasterii tunc professum concorditer ac nemine discrepante in eorum abbatem et prelatum elegerunt; quam quidem electionem de persona eiusdem Sigismundi Jobstl factam obseruatis rite seruandis auctoritate nostra ordinaria confirmauimus, eumque de eadem abbacia inuestiuimus, curam et administracionem spiritualium et temporalium eiusdem abbacie sibi committendo, prout in aliis nostris litteris desuper conuectis (sic!) plenius continetur. Ne igitur tu frater Johannes propter huiusmodi resignacionem dispendium paciaris et in prouecta ac decliui etate tua in scandalum sacerdotalis honoris mendicare cogaris, intelleximus patentibus litteris nobis coram productis, quod venerabiles in Christo nobis sincere dilecti Leonardas monasterii in Oberndorff ordinis sancti Augustini canonicorum regularium Acquilegiensis diocesis et Johannes monasterii beate Marie virginis in Griuentall Premonstratensis ordinis ac Balthasar ecclesie collegiate beate Marie Magdalene in Volkenmarckt nostre diocesis prepositi pro bono pacis et concordie inter te ex vna et priorem totumque conuentum dicti monasterii partibus ex altera de expresso et deliberato consensu ambarum partium concordiam fecerint, quam prior totusque conuentus obseruare promiserunt seque propriis manibus subscripserunt et sigillis eorum roborauerunt, que quidem concordia de verbo ad verbum sequitur et est talis: (Folgt die Urkunde ddo. 13. August 1488). Item quod eciam habeat voluntatem in quocumque loco standi et sibi conpetenti casu, quo ad sanctum Laurencium non residere vellet aut posset quacumque de causa, ita tamen quod cum abesse vellet ecclesiam ipsam cum suis pertinenciis ad ipsam ecclesiam spectantibus in manibus abbatis resignare habebit et quod nichilominus pensio et reseruacio sua prout presentibus continetur recipere habebit vbi tunc residebit sine impedimento cuiuscumque. Nos Johannes abbas monasterii sancti Pauli vallis Lauentine fatemur nos in ea, que presentibus conscripta sunt consensisse et attestamur manu propria. Ego frater Sigismundus professus presbiter monasterii sancti Pauli fateor me in ea, que presentibus conscripta sunt, consensisse et attestor manu propria. Ego frater Johannes prior professus presbiter et monachus monasterii sancti Pauli fateor me in ea que presentibus conscripta sunt consensisse et attestor manu propria. Ego frater Vincencius professus presbiter et monachus monasterii sancti Pauli fateor me in ea, que presentibus conscripta sunt, consensisse et attestor manu propria. Ego frater Johannes professus presbyter et monachus monasterii sancti Pauli fateor me in ea, que presentibus conscripta sunt, consensisse et attestor manu propria. Ego frater Michael supprior monasterii sancti Pauli vallis Lauentine fateor me in ea que presentibus conscripta sunt consensisse et attestor manu propria. Ego frater Achacius presbiter et monachus professus monasterii sancti Pauli fateor me in ea que presentibus conscripta sunt consensisse et attestor manu propria. Ego Bernhardus frater professus presbiter monasterii sancti Pauli fateor me in ea, que presentibus conscripta sunt, consensisse et attestor manu propria. Ego frater Christofferus professus presbiter monasterii sancti Pauli fateor me in ea que presentibus conscripta sunt consensisse et attestor manu propria. Ego frater Thomas professus presbyter monasterii sancti Pauli fateor me in ea que presentibus conscripta sunt consensisse et attestor manu propria. Ego frater Matheus presbiter et monachus professus monasterii sancti Pauli fateor me in ea que presentibus conscripta sunt consensisse et attestor manu propria. Ego frater Leonhardus presbiter et monachus monasterii sancti Pauli fateor me in ea que presentibus conscripta sunt consensisse et attestor manu propria. – Nos itaque ex causis premissis ne in senectute tua egestate ac paupertate laborare te contingat, dictam concordiam ratam et gratam habentes id quod tibi in eadem concordia per dictos prepositos dictatum arbitratum pronuncciatumque est, dicti Sigismundi abbatis expresso et deliberato ad id accedente consensu, tibi quoad uixeris pro annua pensione duximus reseruandum ac tenore presentis auctoritate nostra ordinaria reseruamus, decernentes prefatum abbatem et suum conuentum successoresque suos ed satisfaciendum eidem concordie inferius modificate et ad tradendum et assignandum tibi ea, que in eadem concordia cum moderacione immediate sequenti continentur, fore efficaciter obligatos. Quod si non fecerint volumus abbatem ipsum sentenciam excommunicacionis incurrere et fratres conuentus a diuinis suspensos esse. Predictos tamen articulos in litteris concordie positos ita moderari volumus ut primo quantum ad secundum articulum attinet in quo cauetur, quod habitacionem tuam in domo abbaciali ad sanctum Laurencium habere debeas etc., hunc ita moderari volumus, quod tu in eadem domo habitacionem habeas absente abbate. Cum autem abbas ipse non nunquam in negociis monasterii se ad sanctum Laurencium contulerit, quod tunc pro honore prelature meliori habitacioni quam ipse abbas inhabitare voluerit, per id tempus quo ibidem fuerit cedas. Item quoad articulum in quo cauetur, quod tu vnacum presbiteris et parrochianis tuis ab omni iurisdictione prelati sis exemptus etc., hunc articulum ita volumus moderari, quod tu quoad personam tuam sis exemptus, presbiteri tamen tecum commorantes sint cohercioni et iurisdictioni ordinarii sew archidiaconi loci subjecti; in parrochianos vero tantum habeas iurisdictionis quantum prius plebanus de iure vel laudabili consuetudine ibidem habuit. Item articulum in quo cauetur, quod tu omnia et singula clenodia per te in monasterium apportata iterato ad te recipere posses, volumus quod tu quemadmodum te eciam vitro et sponte obligasti, decem pikeria monasterio relinquas et reliqua ad vsum tuum quoad uixeris recipere posses; relicta tamen proprietate eorundem clenodiorum ipsi monasterio. Volumus eciam, quod omnium et singulorum bonorum tam mobilium quam immobilium que tibi occasione concordie et in vini pensione tibi per nos constitute ut prefertur assignabuntur, fieri facias inuentarium et te cirografo inscribas, quod illorum bonorum tam mobilium quam immobilium suprascriptorum, que omnia sunt ipsius monasterii, fructum quoad uixeris habere et ea sew aliquid ipsorum absque magna et vrgenti causa nec vendere nec donare nec inpignorare sew alio alienacionis titulo alienare velis, exceptis hiis bonis, que quottidiano vsu consumuntur, sed quod post obitum tuum ipsi monasterio absque impedimento (prout dignum est) cedant et remaneant dolo et fraude procul motis. Harum testimonio litterarum sigilli nostri appensione munitarum. $$Datum Salczeburge die decima mensis Novembris anno domini milesimo quadringentesimo octuagesimo octauo.

Source Fulltext: SCHROLL, Urkundenbuch St. Paul (= FRA II/39, Wien 1876) S. 500-504