Ich Wetzel der Vtendorffar von Hafn...[fehlt] Ich Cecilig sein Hausfraw vnd vnser Erben vergichen offenleich mit disem brief vmb den halben hof gelegen ze Wintpaizzing in dem Winchel, der ze puerkrecht ist, vnd vmb den zehent daselbs ze wintpaizzing ...[fehlt] hafnerpach gelegen, alles in sand Zens pharr, der von hern Weikcharten von Toppel ze lehen ist, vnd das alles vrawn Margreten petreins des Ponhalm hawsfrawn margengab vnd leibgeding ist von irm wirt Hertlein dem Vtendorffer seligen, vnd das nach derselben vrawn Margreten tod auf vns geerbt vnd gevalln wer, dieselben recht vnd wartung des egenanten hofs vnd zehents mit alle di vnd darzue gehoert ze veld vnd ze dorff wie das genant ist oder wo das gelegen ist, haben wir verchauft vnd geben vmb dritthalbs phund wienner penning, der wir gentzlich verricht sein vnserm vettern Micheln dem Vtendorffer ...[unleserlich] Elspeten seine hausfrawn vnd irn Erben also wann die obgenant vraw Margret abget mit dem toed, so sulln si den obgenanten hof vnd zehent mit aller zuegehoerung fuerwas ledichleich vnd vreilichen haben vnd allen irn frumen damit schaffen, verchauffen, versetzen vnd geben wem si wellen an allen irsal. vnd sein des in deselben rechten ir gewer vnd scherm für alle ansprach als purchrechts vnd lehens recht ist in dem Lande ze Oesterreich. Get in furwas daran icht ab mit recht, das sulln si haben auf vns vnd auf alle dem gut daz wir haben in dem Land ze Oesterreich ...[fehlt] sein lebentig oder tod. Mit vrchund des briefs versiglt mit mein Wetzleins des [fehlt]dorffer Insigl, Mit Goergen des Vetendorffer Insigel meins pr...[fehlt] mit Jansen des Syrnikcher Insigl die diser sach zeugen sind mit irn Insigel... [fehlt] in an schaden. Geben ze sand poelten An dem Ebenweich tag ... [fehlt] Christes gepuerd drewtzehen Hundert Iar darnach in dem sechs vnd Sechtzg[fehlt].