ICH Haunolt der Rewtter zder zeit lantrichter niderhalb der Enns vergich, umb die hu^eeb an der Grabeh genant, gelegen in Hedershofer pfarr di in vreys aygens namen ist unversprochenleich umb mein beraits gelt mit chauff in mein gewalt cho^emen di jerleich dient viertzehen schilling wienner pfening, daz ich dieselben hueb mit allen den eren rechten und nu^etzen so von allter darzue geho^ert alz si in mein gewalt cho^emen ist, wolbedacht mit meiner hausfrawen und mit aller unser erben gu^eetleich will und wart han gegeben zu dem erbern gotshaus dacz Garsten, den geistleichen conventtpru^eedern daselbes aus meiner und meiner erben nutz und gwer in di ier ledichleich durich Got mir meinen vodern und allen gelaubigen seln zu ainem ewigen selgeret also, daz wier ich und mein hausfraw und all unser erben fu^erbaz chain ansprach nicht mer darauf haben schu^ellen in so^elher maynung, daz si mir vorgenanten Haunolten dem Rewtter schu^ellen meinen jartag begen jerleich mit ainer gesungen vigili und selmess inner den acht tagen zwischen sand Jo^ergen tag und sand Philipps tag der darnach nehist chu^enftig ist unvertzogenleich mir und allen gelaubigen seln ze hilff und ze trost, und schol in denselben conventpruedern in ir oblay ze pezzerung an irer pfr/ouent gevallen von der obgenanten hu^eeb zehen schilling wienner pfening jerleich und dem guster ein halb pfunt daselbs ze pezzerung daz er zwelif scho^en prinnend chertzen und ein scho^en tuech auf die par leich und la^ewten haizze zu der selben selmess und vigili nach ires chlosters und ordens gewonhait. Und enpfilich ich in daz alles den gegenwu^ertigen und chu^enftigen conventpru^eedern ze Ga^ersten hintz iren trewen und gewizzen ze enden und volpringen gentzleich mit irem frewen gepet und andacht, alz si Got umb daz selgeret und umb all ander ir ingnomen gu^eetta^et mu^eezzen antwurtten vor seinem lezsten und strengen gericht. Daru^eber zu ainem waren urchu^end gib ich obgenanter Haunolt Rewtter den prief bestetigt mit meinem anhangunden insigel, und sind des zeug mit iren insigeln mein lieb freunt her Philipp der Ponhalm mein aydem und her Andre der Haunsperger mein o^ehaim. Der prief ist geben nach Christes gepu^erd u^eber drewtzehenhundert jar und darnach in dem fu^emf und sybenczkisten jar an sand Mathias tag des heiligen zwelifpoten.

Source Fulltext: OÖUB 8 (Wien 1883) S. 743f., Nr. 721